[فادى]

المشاركة الأصلية كتبت بواسطة corsair شكلك يا فادي عندك شاهين ماركة بي ام دبليو فعلا الشاهين اكتر حاجه بتخنق فيها موضوع الكارونه ده لانها مع خالي ومسميها الكنبه لانها شكل الكنبه الصعيدي اللي من الاسمنت وبعدين انا سوقتها كذا مره تحس ان حرارة الماتور داخله عليك زي القضا المستعجل ولعلمك اانا اتعلمت السواقه علي الشاهين وبعدين مش معقوله انك تقارن تابلوه الشاهين بتبلوه الفيرنا والانوس بجد انتا كدا يا فادي ظلمت الفيرنا والاتوس عمر ما تابلوه الفيرنا يكون حتي من قريب ولا بعيد زي تابلوه اللشاهين

وقت ما اشتريت الشاهين كان سعرها يتعدى اللانوس و الفيرنا, على ما اذكر الشاهين كانت 68 الف بينما اللانوس فى حدود الخمسينات, و الفيرنا كانت 62 الف, و اخترت الشاهين.
انا كنت بتكلم عن خامات التابلوه و ليس الشكل, خامات تابلوه الشاهين أفضل من الفيرنا و اللانوس بكثير, تابلوه الفيرنا قد يكون انسيابيا و به بعض الحداثة و لكنه قبيح للغاية. و بصراحة افضل تابلوه الشاهين لأن تابلوه قديم و جميل افضل من حديث و قبيح.
و يكفى المقود الفاخر المنتفخ فى الشاهين و الكونسول الوسطى الأنيق و التكامل بين اجزاء التابلوه اليسرى و اليمنى و الوسطى و التى تشعرك بأنها قطعة واحدة مصممة بعناية, ثم الكونسول العلوى الذى يحتوى على الساعة و اضاءة الصالون و الذى يعطى شعورا بالفخامة, و منفضة السجائر العملانية و الموضوعة بعناية فى مكان يسهل الوصول اليه. التابلوه فى الشاهين متناسق و مريح للعين و هو مصمم كقطعة فنية واحدة متناسقة فى الألوان و الأشكال و يلتف حول السائق فيعطى شعورا بالدفء و الاطمئنان.
فى المقابل تابلوه الفيرنا يفتقد للتناسق تماما حيث تجد كل وحدة منفصلة فالكونسول الوسطى يبدو و كأنه ادخل عنوة, و فى الناحية اليمنى يبدو مرتفعا و كأنه معلق على الزجاج. منتهى القبح و انعدام الذوق الفنى.