انا معايا 15 الف جنيه ومحتار ممكن تفيدونى
الحيرة جاية من كلام الناس الكتير انا مبقتش فاهم حاجة
انا كنت ناوى على 27 فيورا
طبعا المدام شفتها راحت مصوته مع انها ملهاش فى العربيات خالص ولا انا كمان
قالت دى صغيرة واحنا اسرة من 3 اولاد والام اللى بتصوت دى وانا
قلنا خلاص نشوف ستروين ax موجود منها فى الحدود على الديبزل كتير
الميكانيكية قالو لا لا لا لا يا جماعة انا مشوارى من الزقازيق الى بلد ارياف بجوار الزقازيق 20 كيلو رايح وعشرين كليو جاى يوميا فقط لا غير
لا مانع من مرة كدة نروح مصر انا والعيال نفسحهم فى السندباد يعنى 80 كيلو رايح وزيهم جاى
قلنا خلاص اليبانى مش هيرجع تانى نروح للديهاتسو الشاريد من بعد موديل 84 بردو موجود على الديبزل موديل 86 و84 فى الحدود دى وكمان لقيت ديهاتسو ميرا 86 ب 15 الف
وفى الاخر كله بيقول يا عم خليك فى العربيات اللى احنا عرفينها مالها 128 لو عطلت منك اى سباك يصلحها وقع الغيار عند البقالين وبتوع الفسيخ
انا مبقتش عارف اعمل ايه
قلت اروح عند حبيبى مصر موتورز هما بقا اللى هيقلولى اعمل ايه
والله بعقد الهاء لاسمع كلامكم ان شاء الله
اعمل ايه بقى
|