المشاركة الأصلية كتبت بواسطة fineart607
طب بالله عليكم انا جى بجدد تامينى فى مصر للتامين لقيتهم مامنين لى بنسبة 4.7 %بالدمغات والمصاريفوالله بدون نسب تحمل وده علشان العربيه اتخبطه السنة الماضية وصلحوها لى وطلعوا عينى علشان ااخذ الفلوس
بالله عليكم ده عدل 2010 كانت 3.2% ودلوقتى 4.7% والبيه هيعمل خصم لى 100 جنيه وزعلو اوى علشان هلغى الوثيقه بالله عليكم حد يرد على
حسبى الله ونعم الوكيل فى التامين والكلام الفارغ ده بس ما باليد حيلة فرض من البنوك
بس ان شاء الله هدور على مكان تانى حتى لو هركن العربيه
|
بص يا استاذي الموضوع بالبلدي كدة تطفيش بالزوق لان الشركة بتعتبرك عميل بتعمل حوادث فا بترفع السعر لو مشيت يبقي ارتاحو من حد بيطالبهم بفلوس ولو كملت يبقي هما اخدو فلوس زيادة علشان خايفين من الكييسة دي
بس طبعا دة مش عند كل الشركات يعني مثلا تعمل حادثة ب 2000جنية يروحو يرفعو السعر
رفع السعر دة لو عميل عمل اكتر من حادث مثلا
عربية فيرنا 60000 مثلا
عملت اربع حوادث وصرفت تعويض بمبلغ اجمالي 50000جنية فا لازم الشركة ترفع السعر لانة العميل هنا مستهتر وكثير الحوادث بس
لكن علي العموم فكرة الزيادة موجودة عند الكل
وعند البعض في حاجة اسمها خصم عدم مطالبة هو 20% في حالة انك معملتش حوادث
يارب اكون وصلتلك المعلومة صح وريحت قلبك
وشكرا