السلام عليكم ورحمه الله وبركاته
حابب افكر الناس بالعربيات الفان الـ7 راكب ونحاول نجمع الانواع كلها ونكلم عنها في موضوع واحد
وانا مش في دماغى حاجة معينه بس كل ما افتكر نوع معين نتكلم عنه واتمنى الناس تشارك وكل واحد فينا يضيف رايه
(1) السوزوكى الفان
عربية بتاعت سوق موجودة في كل حتة
قطع غيار موجودة عند البقال
سهولة في البيع واعادة البيع
صيانة سهلة جدا واى مكانيكى يفهم فيها بسهولة
موتور 1000 سى سى كربراتير
من الداخل ضيقة جدا ركوبة صعبه
الريداتير تحت كورسى السواق ويسبب سخونة
شكلها قديم زى ما هوة من ايام الثمنينات
(2) السوبر باندا
عربية بعتبرها رقم 2 بعد السوزوكى
بيمشى عليها كل قطع غيار السوزوكى ما عدا البودى من برا
موتور 1051 سى سى كربراتير من شركة وينج وهو نفس موتور السوزوكى
شكل متميز
وسعا من الداخل وركوبة كويسة وقاعدة مريحة لحد ما
انتشار متوسط وابتدى يزيد في الفترة الاخيرة بشكل ملحوظ
بعتبر موتورها صغير عليها
ودة فيديو
(3) ليفان
عربية واسعة من جوة وممكن تاخد 10 راكب كمان
موتور 1300 انجكشن
تبلوة شيك وقاعدة مريحة وشكلها كويس
تكيف و2 ازاز كهرباء وجنوط
صيانة في التوكيل وقطع غيار في التوكيل
انتشار اقل من متوسط
(4) شيفرولية الجوكر
عربية من شركة وينج موتور 1200
تكيف وبور وازاز كهرباء وسنتر وانذار و جنوط
تبلوة شيك جدا وواسعة من جوة ومريحة وشكل متميز
صيانة في التوكيل
اعتقد تكيفها مش اوى على موتورها
انتشارها متوسط
(5) سوزوكى لاندى او شنجهاى كول كار في مصر
عربية تقفيل ممتاز جدا
موتور 1400 سى سى سوزوكى
تكيف وجنوط وسنتر
عصاية الفتيس في التبلوة
عربية شكل جميل جدا
صيانة في التوكيل
انتشار قليل جدا
(6) شانا ستار
موتور 1300 سى سى
عربية واسعة من جوة وتشبة في الداخل الليفان
تكيف كويس وجنوط
صيانة في التوكيل
انتشار قليل
(7) dfm
عربية قليلة جدا دلوقتى في الشارع
ودة فيديوا ليها
(8) نكمل بعدين وفى انواع تانية كتير هضفها للمعرفة حتى ولو كانت مش موجودة في مصر