[Elsebily]

انا بقي حياتي تقريبا ماشيه بالشقلوب
يعني انا حبيت اول قصة حب ليا في رابعه ابتدائي وكانت البنت في تالته
بس للاسف كانت بتحب واحد زميلها في تالته اسمه محمود ووالله بدون مبالغه في الكلام انا عارف طبعا اني الناس هتستغرب من حب في ابتدائي بس مش عارف بقي المهم انه فضلت الواد ده مش طايقه وفي شد وجذب معاه واحاول اكرهها فيه واستعرض والجو ده ومش عارف المهم كنت مصاحب واحد اسمه كريم ده كان البلطجي بتاع المدرسه فخليته يروح يعمل معاه مشكله ويضربه المهم بعد ما ضربه الواد راح جاب ناس كبار واستنونا علي باب المدرسه وخدنا يومها انا وكريم ده علقه محترمه ومن ساعتها كريم ده فقدت سيطرته في المدرسه وبدل ما اكرهها فيه خليتها تحبه وتتشد ليه اكتر ودي كانت تقريبا القصه اللي انا كنت مستمتع بيها في حياتي وكانت حاسس انه حب بجد اما بعد كده في الثانوي فهي كانت واحده وكانت جميله بس كنت بمشي معاها بس عشان يقولو عليا مصاحب وخلاص لاني كنت بخاف يتقال عليا مبعرفش بنات لانهم بردو كان الواد المصاحب ايامها ليه هيبه كده
بس واما دخلت الكليه بقي بقت هوايتي البلايستيشن واني اخرج اعمل تفحيط او سباق مع علي صاحبي قدام الكلية ايام الشاهين الله يرحمها (مش تفحيط تفحيط يعني حاجه كده علي قدنا) مش عارف بقي انا حاسس اني لما كبرت اهتميت باللعب والتفاهات واني لما كنت صغير كنت بفكر بعقل كبير بقي ولا ايه مش عارف
ويلا ادعولي اخلص اخر سنتين دول علي خير