ماساتي مع نيسان صني 2011 مانيوال
عاوز احكي حاكايتي مع عربيتي نيسان صني مانيوال الي بقالها 2890 كيلو بس و بقالها 3 اسابيع و غيرت الفتيس لانه كان بيرشح زيت و ده عيب صناعه و اتغير كله في الضمان
و اخير... و المفاجأه
لقيت بخار زيت على الموتور ما بين البلوك و وش السلندر
و روحت التوكيل و غسلو الموتور يوم تغيير الفتيس لاني كنت قلتلهم ده زيت و قالولي ان الموتور بيجي محطوط في شحم و زيت و حاجات مش موجوده في اي عربيه شوفتها
المهم يومين و رجع الزيت تاني رجعتلهم النهارده
و دار هذا الحوار ما بيني و بين مدير الصيانه :-
انا : العربيه بترشح زيت من الموتور و ده كده تاني عيب مره الفتيس و مره الموتور مش هاينفع
المهندس: اشوف طيب
انا :اتفضل
المهندس: بص اه ده زيت 'و قعد يكلم نفسه'
انا:عاوز اغير العربيه
المهندس: استحاله
انا:!!!!!!!!!!!!! ده تاني عيب و الموتور و كده يبقى فتيس و موتور مش فاضل الا الشاسيه
المهندس:سيبها و هانربط على وش السلندر
انا:طب لو رشحت تاني
المهندس:هانغير الجوان بتاع وش السلندر
انا:يا بشمهندس العربيه عامله 3000 كيلو هاتفك موتور حرام طيب نغير الموتور
المهندس:مينفعش
انا:!!!!!! كنت هطق
العربيه قعدت في التوكيل يومين
و ظهر زيت تانيفي نفس المكان
و عشان متقولوش موسوس
تركت لكم الحكم
و بجد كرهت العربيه دي و لا انصح اي حد انه يشتريها لان العيوب دي محدش هايطلعها غير حد فاهم و ان شاء الله قسطها خمس سنين يخلص و تكون لسه واقفه على حيلها عشان ده شئ مشكوك فيه عشان اخلص
و حسبي الله و نعم الوكيل ولا حول و لا قوة الا بالله
|