رد: BYD عربية أتقن الصينيون صناعتها و فشل المصريون (توكيل القطامية ) في صيانتها
للأسف مافيش فايدة
أنا كنت عامل تقرير هنا قبل كده عن صيانة 20 ألف تقريبا نفس إللى حصل مع حضرتك (مع إختلاف الأعطال والأجزاء) وده معناه إن مفيش أى تقدم فى المركز وبناءا علية قررت معتبوش تانى .. ده أنا مشكلتى كانت عوامة البنزين بتقرا غلط مبقتش تقرا خالص (كانت مبتوصلش للآخر والعربية متفوله ولما رحتلهم خرجت بيها واصلة للآخر بس مبقتش تنزل للآخر .. أهو تغيير عشان الملل) وراكب عربية 2012 بتقطع منى بنزين عشان العداد قارى غلط
عموما قرارك صائب جدا وأنا بشجعك عليه (نصيحة لما يقروا الموضوع هيبعتولك متروحش لأنى سبقتك وكانت النتيجة كما يلى ... جابولى نص إزازة فيها بنزين مليان تراب وقالولى ده إللى حضرتك بتستخدمة وطلعونى بعمل البنزين فى البيت ومخلوط بالسولار والصنايعى إتنرفز عليا عشان أنا راجل مش مقدر العربية إللى راكبها وبحط بنزين مش نظيف وبسترخص وعلم عليا عشان لما اروح تانى يقولولى إحنا قلنالك المره إللى فاتت ونصحناك تغير البنزين عشان هيبوظ الطرمبة (كان مطلوب أرمى 50 لتر بنزين وأظف التانك) وكتب فى أمر الشغل الكلام ده عشان ميبقاش ليا عين أشتكى تانى
|