المشاركة الأصلية كتبت بواسطة eggroup
المقاله دى علشان أحذر أى واحد حينضحك عليه زى ما أنضحك عليا .. إن سعر العربيه رخيص و العربيه فرنساوى تقفيل أسبانى زز يعنى أوروبى بالكامل و أحسن من الكيا الكورى!!
أنا أشتريت السيارة لزوجتى بناءا على ما سبق و خد عندك يا سيدى :
1. و انا خارج بيها من معرض صلاح سالم رايح أرخص فى مساكن الشيراتون .. و كنا فى الصيف و صلاح سالم زحمه .. حاولت أشغل التكييف .. إشتغل كأنه مروحه .. و فين وفين لما السكه مشيت شويه إبتديت أحس بيه. قولت العربيه جديده و يمكن لسه ما لينتش .. عديها.
2. فيما بعد لو أنت على 6 أكتوبر الساعة 2 الظهر و درجة الحراره 38 و مشغل التكييف .. آجى أدوس بنزين .. العربيه ما بتسحبش خالص و لا كأنك راكب بسكليته .. و لما أدوس بنزين جامد تروح ناطه مره واحده تخليك تلبس فى اللى قدامك.
3. إستهلاك البنزين داخل المدينة 110 كيلو للصفيحه!!! و لا كأنى راكب شيروكى .. العداد بتاعها على الطوالى مدينى 14 لتر لكل 100 كيلو !!! .. رحت التوكيل فى صيانة ال 10000 .. عرفوا المشكله عالطول و كأنها مشكله عامه و قالول لى حانصلخها .. و لكنها زى ما هيا حتى الآن.
4. أول ما اشتريت السيارة و طلعت بيها على الصحراوى .. لقيت شبكة الإكصدام الأمامى السفليه اللى فيها الفوج لايت إنفصلت و وقعت جوه الإكصدام .. الشبكة على كلبسات ضعيفه جدا .. و بقيت لما أرجع أقعد أركبها مطرحها و فى الآخر من زهقى لزقتها بأوهو!!
5. بعد شويه إنفصلت الشبكة الكبيره اللى وراها الرادياتير و هى على نفس الكلبسات الرديئة و لكن وجود الردياتير و المكان المحكوم ما خلوهاش تقع.
أنا دلوقتى عامل 14000 كم .. تيل الفرامل إتكل على الله و بوظ الطنابير!!!!
نزلت علشان أشتريهم من شارع دمشق .. ما حدش عنده خالص و وقفت أتكلم مع تاجر بيجو .. سمعنى مآسى من الناس اللى بتعدى عليه و تشتكى من العربيه و سؤها.
الحقيقة هى غلطة عمرى إنى ركبت البيجو و مش حتتكرر تانى و تو ما يخلص قسطها بعد سنه ونص حابيعها لأول مشترى.
|
سيدى الفاضل .. رجاء تقبل عزائى فى بلد ضاع فيها الحق ولا صوت فيها يعلوا على صوت الفهلوة وقلة الضمير .... المشكلة مش فى العربية المشكلة فى مستورد العربية وهى مصرنا الحبيبية اهم دول العالم الثالث واهم مستورد لما هو ردئ وسيئ ببساطة لأن مفيهاش رد مظالم او حد يحميك ويحمى فلوسك واستثماراتك حتى لو بتشترى قلم رصاص لأبنك... من حقك تشترى كل ماهو جيد ... مشكلة سيادتك لو كانت برة مصر كنت اقولك ولا يهمك وحتتحل لأن الغرب اللى بيقولوا علية غرب سافل وميهموش الا الجنس وممارسة الرذائل هو فى باطنة سلوكيات واخلاق الأسلام اللى احنا منعرفش عنها حاجة اصلا الا فى البطاقة الشخصية .. متعزلش وربنا يعوض عليك
