اهلا بحضرتك فى مصر موتورز
اعذرنى انا غيرت عنوان الموضوع ونقلتة لقسم الاسبيرانزا
سعرها هيكسر الدنيا وديه ضربة معلم بصراحة لانة كده حطها فى الصدارة على منافسيها سكوربيو - كومودو - جاك بفرق سعر كبير يخلى اى حد يفكر اكتر من مرة قبل ما يختار
اولا فرق السعر بينها وبين الجاك كبير اوى خاصة ان الجاك نازلة موديل واحد فول اوبشن 4x4
ثانيا عوض عجر الاسكوربيو الشنيع فى عدم وجود موديل اوتوماتيك كمان الاسكوربيو شكلها من بره وحش جدا مع فرق سعر كبير جدا
ثالثا فرق عن اقل موديل فى الكومودو حولى 40 الف وده فرق كبير اوى بردو
كمان اتوقع ان اداء المحرك يكون افضل من السكوربيو ويمكن الكومودو كمان لان العربية اخف من الاتنين ومحركها اقوى
فكده فعلا هو حرق اسعار ال SUV فى مصر
(لاكن يا خسارة الحلو ميكملش)
* فيه فقر جامد جدا فى كماليات السيارة وده غير اللى الناس اتعودت عليه من اسبيرانزا اكيد ده راجع لانة يظبط سعرها كده بس لازم بردوا يخلى فيه اوبشن فى الموديلات الاعلى مثلا والا الشغل كله هيبقة على الموديل ابو 95 الف
* السيارة بخمس مقاعد فقط !!
-----------
ده راى اللى قولتة فى منتدى الاسبيرانزا عند بداية طرح السيارة وطبعا العربية شكلا مقبولة لانها نفس تصميم الراف 4 بس طبعا لم تختبر فى السوق كفاية