بص يا باشا ، أنا لسه شارى سكودا فانتازيا هاى لاين من أسبوع ، العربيه بصراحه روعه ، ثابته جدا ، فيها كمية أوبشن كتير ، من أول البلوتوث والباركينج سينسور إلى الراديو التاتش إلى فتحة السقف إلى الزينون المتحرك والفرش الجلد ، والشنطه الوهميه (ملعب) ، العربيه من الأخر زيها زي البى إم أو المرسيدس ، بس فيها عيبين فقط .
العيب الأول : العربيه ثقيله فى الطلعه الأولى فقط يعنى أول وثانى وبعديها العربيه بتبقى طلقه ، بس الموضوع ده ممكن تتغلب عليه مع التعود على العربيه ، يعنى بعد كام يوم من السواقه بتاخد على العربيه وعلى سواقتها وبتأقلم نفسك عليها .
العيب الثانى : العربيه فى الجنط 17 بتدبدب (ده فى العربيات الخليجى المصرىبينزل بجنط 15 أو16 فقط) بس مش قوى ، ورغم كده الجنط 17 بيديها ثبات أكتر على الطريق ، وشكل تحفه.
غير كده العربيه مافيهاش الهوى ، بصراحه العربيه تحفه ، بس لو حتشترى هات الخليجى ، كماليات أعلى ، أوبشن أكتر ، وبالنسبه للضمان في شركات بتضمن الخليجى وبالنسبه لو عاوز تخليها ضمان الوكيل بتدفع من 5000 إلى 7000 جنيه فقط ، وبالنسبه للصيانه للخليجى فى مراكز بتصون الخليجى كتير .
ده بإختصار مزايا وعيوب الفانتازيا ، ولو عندك أى سؤال أنا جاهز
