[Payoo]

,أنا بقالي أكثر من 5 سنين وأنا حريص على أن تكون في أي سيارة من سيارتي إن يكون فيها المثلث و حقيبة الاسعافات الأوليه

بس بصراحة انا كان بيبقى معايا حاجات بسيطة جدا في شنطة الأسعافات الأوليه دي يعني علبة بيتادين وكيس قطن ولفة شاش عريض وبس كده وطبعا في زجاجة مياه لعدة أستخدامات و كل فترة لازم كنت أغير الأدوات دي لأانها بتتأثر بالحرارة وكمان البيتادين له صلاحية بتنتهي

وعلى العموم أنا شايف إن طلبات إدراة المرور في هذا الشان مبالغ فيها جدا حيث أنالناس لن تستطيع أستخدام بعض هذه الادوات إلا إذا أصبح أمتحان الحصول على رخصة القيادة أصبح به أختبار للأسعافات الأوليه لكل متقدم للحصول على رخصة

يعني لو الناس أخدت دورة اسعافات أوليه عند تعليمه القيادة وبالتالي يمتحنوا عليه مع أختبارات القايدة هايبقى الموضوع فعال أكثر ومش هايبقى مجرد سبوبه للناس المستفيده من موضوع شنطة الأسعافات الأوليه (طبعا أقصد رجال الأعمال إللي ظبوطو مع الحكومة زي موضوع الحزام قبل كده)

أما بالنسبة للحزام فالواحد خلاص أخذ عليه من زمان وهو فعلا مفيد جدا وإن كنت اعتقد أنه ليس بذو فاعليه داخل المدينة
لكن على أي حال لو الحكومة عاوزة نربط نفسنا بكلبش من بنتاع المساجين في الدريكسيون هانكلبش نفسنا وأمرنا لله