المشاركة الأصلية كتبت بواسطة tham1010
حضرتك فعلا شكلك فاهم أوى فى العربيات وهذا يشجعنى لاسألك عن الهيونداى ماتركس 2001
1- لو الواحد بيجيب عربية ماتركس كورى 2001 مانيول تبقى متوسط سعرها كام فى مصر لو عاملة اقل من 200 الف كيلوا ومفيش عيوب فيها فى الشكل؟
2- هل العربية دى فيها نظام ABS مع سنة الصنع 2001 ولا دة نظام بيركب فى العربيات اللى سنة صنعها احدث
3- هل الزجاج كهربائى للاربع أبواب ولا الأثنين اللى قدام بس
4- أيهما افضل - عربية ماتركس 2002 وعاملة مسافة كبيرة ولا عربية 2001 وعاملة مسافة اقل؟
5- ما فائدة فوانيس الشبورة اللى بيقولوا عليها وهل وجودها يرفع ثمن السيارة؟
أنا متشكر لك على الإجابة يا باش مهندس أحمد، ومعلش لو الأسئلة تبدوا ساذجة بس أنا جديد فى حكاية العربيات ودى أول عربية أشتريها ومش عارف اقيم سعرها على أى أساس.
|
يا جماعه سيبكم من الالقاب الاحترام بينا من اسلوب كلامنا انا اسمس احمد و خلاص
المهم يا سيدي ردا على اسئلتك
الميتركي او الماتركس زي ماهو شائع في مصر عربيه لطيفه الى حد كبير انا شخصيا أختبرتها و كانت جيده طبعا لا انصحك انك تشتري اي سياره ماشيه اكثر من 100 الف خصوصا لو كوري لان فيه عيوب لا تظهر من مجرد الكشف على السياره و بتظهر مع تقدم عمر السياره و هذا سيقودني الى سؤال عندك و هو ايهما احسن سياره قديمه ماشه قليل و للا جديده ماشيه كتير هو مبدأيا عمر السياره يقاس بعدد الكيلومترات و ليس مجرد سنه الصنع و في حاله الميتريكس فلا يوجد فرق جوهري بين الموديلات القديمه و الجديده و جميعها استخدمت المحرك المستخدم في هيونداي النترا موديل 2002 و 2003 و الجيتز و الفيرنا العيب الوحيد من وجه نظري في هذه السياره هو ان قاعدتها عاليه و الشبابيم كبيره لدرجه تحس انك قاعد في الشارع ثانيا ان الكنبه الخلفيه فوق التعليق الخلفي مباشره مما يعطي الراكب الخلفي احساس بالمطبات اكثر من اي سياره اخرى بالنسبه لفوانيس الشبوره الاصل في ابتكارها كانت لتضيء لك في الضباب او الشبوره هذا عن طريق وضعها في مكان منخفض من السياره بحيث تفرش على الارض بدون ان تنعكس على سحابه الضباب بعكس الفانوس العادي للاسف في معظم السيارات متوسطه الثمن مثل الميتريكس هي مجرد شكل جمالى و لكنها لا تعطيك الاضائه الكافيه يمكنك الاستعواض عنها باليد لايت او الزينون و هو الارخص حاليا بالنسبه للاسعار و الاوبشنز
موديل 2001 معظمه كان فول اوبشن يعن اربعه زجاج كهربائي ارخص سعر سوف تجده ابتداء من 50000 و انت طالع حسب السنه و الحاله و لو فيه اي استفسار انا جاهز السياره 1600 الحصان الحقيقي 106 و سبك من اي ارقام اخرى تتقالك و 145 نيوتن متر عزم