أبو غاالى (حسبى الله ونعم الوكيل)
السلام عليكم ورحمة الله وبركاته
اكتب اليكم واحكى ما حدث لى اليوم مع ابو غالى ( العبور ) علشان محدش يحصله اللى حصل معايا بس هقول الحكاية من الاول
لما كنت بدور على عربية فان وروحت حجزت الشيفرولية ودفعت السبعين الف وقالولى هتستلم الاسبوع الجاى وجة وقت الاستلام قالولى معلش التسليم اتاجل كمان 3 شهور قولتلهم لا شكرا انا عايز فلوسى وخلال 5 دقائق كنت واخد فلوسى
بعدين شوفت الشانجى 8 راكب فى ابو غالى واشترتها ب51 الف وكلة تمام (وشهادة حق العربية كويسة بس هتعامل برة التوكيل)وبعدها روحت اعمل الصيانة وانا هناك عرفت ان عندهم عربيات موديلات قديمة ومنزلين عليها عرض زى المابل بريميرا ب 40 الف جنية وفى وقتها اختى كانت بتدور على عربية فقولتلها عليها وجت شافتها وقلت انها احسن من المستعمل ومش هتحتاج تحت فيها مسمار وكدة المهم روحنا فى يوم ودفعنا الفلوس كلها وكله تمام ودة من 15 يوم فين بقى العربية قالولى بكرة هتستلمها علشان هيا بتجهز قولت مش هتفرق وجه بكرة وبعدين بعدة ويقولولى معلش اصل وفصل والعربية فيها لمبة منورة وبنشوف اى السبب وبعدين اصل العربية الدينامو ماله ..قولتلهم عايز الفلووس قالولى حاضر ودة اذن صرف بس رئيس مجلس الادارة هيمضى علية وهو مش موجود وتعالى بكرة ودة وجيت ومحصلش جديد ودة اليوم اللى قبل العيد على طول ولا لقيت العربية جهزة ولا اذن الصرف وقالولى تعالى بعد العيد وكمان بتاع المبيعات ابتدى يتكلم بطريقة رخمة .. انا قولت الممهم اخد الفلوس واخلص منهم
النهاردة روحت وكان معايا ولدتى ورحنا بعد الشغل واعدنا نستنى وبتاع المبيعات وجة قالى العربية جهزة تحب تاخدة ولا تاخد الفلوس بس هتاخدها ناقصة 25% .. روحت سيبتة ودورت على اى حد فى الشركة دة اكلمة لحد مكلمولى مدير المبيعات وقالى نص ساعة وجيللك ورحت ادور على مكتب رئيس مجلس الادارة وهو اسمة مصطفى ابوغال يعنى ابن الراجل الكبير المهم دخلت مكتب السكرتيرة وبحكى معاها جة مدير المبيعات وكان راجل مستفز جدا جدا قالى العربية بس بتجهز وهتاخدة على طول قولتله لا مش عايز العربية وكان معايا ولدتى قالتلو يبنى العربية دة بتاعت بنتى وجوزه حالف عليها بالطلاق لو العربية دة جت علشان هيا كانت كل يوم سيبة البيت علشان تيجى تشوف العربية ويبنى مترداش على بيت اختك انو يتخرب
الراجل يقولها طيب ممكن اكلم جوزها ..طيب كلمه وجوز اختى قالو نفس الكلام بعدين اعدين مستنين نشوف اى اللى هيتم ويعملو اذن صرف وناخد حاجة تثيت باننا ناخد الفلوس وبعدين اختى تيجى تستلم الفلوس لان الفلوس باسمها
مدير المبيعات مش راضى يعمل حاجة ويقولنا العربية جاهزة وابتدى شغل المماطلة والرخامة
بعدين ولدتى ابتدى تزعك ورحنا فى مكتب السكرتير وعايزين نقابل رئيس مجلس الادارة وتقول مشغول وعنده اجتماع ونلاقى مدير الصيانة جى ويقولنا العربية بتجهز بس بيغيروا الكمبروسر وفى سرى (هو فيها اى متغيرش ) ويا جماعه منى ليكم عليها سنة صيانة بببلاش امى كل شوية تفهم فيهم وتزعك وانا احكى وجة المستشار القانونى وناس تانية معرفش مين ونحكى ونزعك والشركة كله اتقلبت ( خايفين لرئيس مجلس الادارة يسمع ) وعملو اذن الصرف ومضوا عليه واخدنا منهم صورة منه وقالوا اختك تيجى تستلم الورق الاصل وتروح تستلم الفلوس من الفرع التانى
الكلام دة حصل النهاردة من الساعة 2ونص لحد الساعة 6
بس بصراحة الحاجة ولدتى قامت بالواجب معاهم وكمان الناس هناك زفت زفت زفت ومش بسهوله تاخد حقك ولولا ربنا فى الاول و الاخر وبعدين ولدتى مكنوش عملوا حاجة لانهم خافوا منها علشان متدخلش لرئيس مجلس الادارة اللى عاملين عليه كماشة علشان محدش يعرف يوصله ودة مجرد رئيس مجلس ادارة اما رئيس الجمهورية السابق مبارك كانت الكماشات عليه ازاى
المهم حسبى الله ونعم الوكيل
|