[Devill Blood]

للأسف مع تجربتى لأصلاح
سيارتى وللعلم لم تصلح بعد إقدر أقول لكم
أن للأسف مفيش صنايعى كويس فى مصر أبدا
وممكن تقولو لا أزاى أقول لكم كل الصنايعية
بيعتمدوا على العكـ وبيعتمدوا على مثلا ده ممكن يكون العيب أغيروا ويا عالم هل هو ده فعلا العيب ولا لا وكمثال أخذت سيارتى أمس للتصليح فى مركز لأصلاح السيارات فى الدلتا وللأسف بيقولوه المركز معتمد بعد ما الميكانيكى تبعى بوظ العربية روحت لمركز وعملى كشف كمبيوتر وقال لى إن كل شئ سليم و الحساسات سليمة ومفهاش حاجة خالص وتمام ولكن فضلت المشكلة فضل بقى يعك ساعتين وفى الأخير قالى الحساس بتاع idle control:w6w20050411220634 63
وللعلم أنا قلت له من خلال بحثى على الكتالوج
من الأول أن ده ممكن يكون العيب
لو كان هو فعلا قرأ كتالوج الصيانة كان عرف
أن بدل كل اللى عمله قبل مايكتشف العطل من تنظيف وكشف
كمبيوتر بتكلفة 150 جنية وكل ده إن ده هو المسئول عن مشكلة الـrpm وعشان نعرف أن الحساس ده
بايظ ولا لا كان لازم الأول يستخدم جهاز أسمه مقياس الأوم
ويقيس الجهد بين طرف الحساس وطرف السلك لو وجده من 7-13
يبقى سليم ولو أعلى يبقى بايظ بس ياجماعة
,وعشان كده يا جماعة أحنا لازم نتصرف عايزين نعمل حاجة بقى
كفاية عايزين ميكانيكة على مستوى
كفاية قرف لو كل واحد منهم بيذاكر الكتالوج كان قدر يصلح العربية فى ثانية
مش معقولة أنا ياللى صفر الميكانيكة أكتشف العيب قبله
ويا عالم أصلا هل العيب فى الحساس نفسه ولا فيوز الحساس ولا ممكن السلك؟.لم يكشف على أى من ده
أكيد كل واحد ليه تجربة مع أغبية مصر معلش أقصد ميكانيكية مصر يا ترى أى تجربتك معاهم