المشاركة الأصلية كتبت بواسطة elsheikh2010
اخواتي الأعزاء هأقولكم ملخص لحكاية لشرائي سيارتي بإختصار ... انا معايا ولا زلت بيجو 505 وكلكم عارفين يعني ايه بيجو وكمان 505 يعني وحش وده الي كان محببني في الأوربي ايوة قطع الغيار حراقة شوية بس معمرة لحد ما ظهرت اللوجان الروماني الأول كنت مبهور بيها وبالأخص انها اوربي ولما جات اتفاقية أغادير قلت اتحلت مغربي مغربي بس تحت مظلة رينو يعني مصنع رينو في المغرب عربية عالية واسعة عاشقة للمطبات وخلاص كنت رياح اجيبها حصلت ثورة 25 يناير قلت استني شوية لقيت شوية مواضيع خوفتني صراحة من اللوجان لقيت قطع غيار نار نار نار ولو لقيتها برة هاتلاقيها غالية برضة صنايعة قليلين الي بيشتغلوا فيها ولو لقيتهم هايبيعوا ويشتروا فيك ده واحد صاحبي معاه رينبو بتوع قطع الغيار عقدوه من حياته لحد لما باعها بأول سعر جاله ولقيت واحد بيقول اتخبطت دفعت 7000 وتاني 34000 يعني نص تمن العربية ولقيت لازم اكون مأمن على العربية عشان أكون ماشي وانا مطمن يعني لو واحد مش مأمن رنا يكون في عونه صراح حسيت اني هامشي بيها وانا خايف عليها وده يخليك تكون عرضه اكتر انك تتخبط او يجيك انهيار عصبي ( على فكرة انا موظف حكومة يعني مش حمل خبطة من خبطات اللوجان ) وصدقوني وربنا شاهد على كلامي بالرغم من عشقي لهذه الماركة وبالرغم من احتقراي للفيرنا استخرت الله واشتريتها ولسه جاي من صيانة الألف الأولى وخدوا المفاجأة انا عايش في رأس غارب بالبحرالأحمر والتوكيل في الغردقة يعني حدود 200 كم راجع بعد الصيانة والنهاردة كان الجو وحش جداً هوا وراجع وش الهوا وانتم عارفين يعني ايه طريق صحراي ومشغل التكييف 140 كم والعربية ما شاء الله ثبات وقوة في السحب وراحة ورفاهية خلتني ابتدي اغير فكرتي على فكرة انا قعدت راكنها بعد ما اشتريتها فترة لأني كنت كارها بس انا كنت محتاج عربية زيرو .الفيرنا عربية لحد دلوقتي معايه الحمد لله كويسة يعني مش مبهرة بس ابتدأت حركات الجدعنة وهابتدي احبها .
وأسف للإطالة وربنا يوفقك لكل الخير
|
اهلا بحضرتك .. كل واحد حر فى اختياراته يا غالى .. بس اكبر غلط انك تاخد قرار بناء على اخطاء وانفعالات خصوصا وانت بتشترى عربية .. مين قالك ان اللوجان قطع غيارها غالية .. اى قطعة غيار فى مصر بتكون غالية فى التوكيل بس .. عندك الفيرنا مثلا تيل الفرامل فى التوكيل 250 هل كده رخيص .. واللى بتتخبط عربيته وعاوز يصلحها فى التوكيل لازم يشيل الطين حتى لو كانت سوزوكى ماروتى .. هو فى حد بيصلح فى التوكيل الا لو كان هيشيل الفلوس للتأمين وحتى لو مأمن بيخاف لانه هيدفع مبلغ كبير والتأمين هيتأخر عليه وهيديله فلوسه ناقصة .. انا معايا اللوجان ومشيت 44 الف كيلو فى سنة و3 شهور ومش بشتكى ولله الحمد من اى شئ فيها واللوجان برقبة 50 فيرنا وده عن تجربة للاثنين , وعموما ربنا يبارك لك فى الفيرنا انا سوقتها لسنة كاملة وأبشرك انها عربية مش وحشة بس هى مش حلوة خالص