المشاركة الأصلية كتبت بواسطة amr elsisi 1
مرورك يشرفني تكرارا واستمررا
انا بتصعب عليا نفسي لما الاقي نفسي تحت رحمة صنايعي
وساعات بشوف صنيعية واقفة تتشرط علي الزبون
وهوا يعيني علشان غلبان بيكتم في قلبة ويسكت
وربنا يعيننا دائما علي امور دنيانا
وكل عام وانت بخير
|
انا مستمتع جدا بالحديث و الحوار مع حضرتك و مع بقية الاعضاء الكرام ....
ساعات كتير الواحد بيستفيد و يعيد التفكير فى حاجات كتير كان مقتنع بيها ...
بس انا لسة مقتنع بالعربيات المستعملة
اما عن تحكم الصنايعية ..... حسبى الله و نعم الوكيل فى اى انسان يستغل الظروف او يستغل جهل اى واحد و يتحكم فيه , و اغلب الصنايعية كدة .... انا اتعاملت مع صنايعية كويسة جدا و رجالة جدا .... و الناس وقفت معايا لغاية لما العربية تتصلح لغاية وقت متاخر باليل
علشان محطش نفسى تحت رحمة اى صنايعى .... اكتشفت انى لازم اعمل اغلب الحاجات بايدى فى العربية .... و الواحد بيحس بسعادة كبيرة لما بيصلح حاجة
صحيح انا بوظت حاجات كتير
و بكيت بدل الدموع دم ... و فطرت رمضان فى الشارع مرتين تلاتة .. و اتنصب عليا مرات كتير .....
بس محدش بيتعلم بالساهل
مشكلتى دلوقتى فى الحاجات الكبيرة الى لازم محتاجة ميكانيكى .... زى تغيير الفتيس .... رفع الموتور ... عمرة .. حاجات زى كدة
العربية المستعملة القديمة اكبر دافع انك تعمل حاجات بايدك و تبوظ براحتك
و تقبل مرورى
و كل عام و انت بخير و بعيد عن الميكانيكية