عرض مشاركة واحدة
  #1  
قديم 15-11-2012, 04:53 PM
الصورة الرمزية YahiaAshraf
YahiaAshraf YahiaAshraf غير متواجد حالياً
التخصص العملى: طالب بالأكادمية العربية للعلوم و التكنولوجيا و النقل البحرى بالاسكندرية
هواياتي: السيارات - الكمبيوتر
 
تاريخ التسجيل: Mar 2011
الموقع: Alexandria
المشاركات: 11,343
YahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond repute
مميز تقرير مصور عن شيفورليه اوبترا 2013 فقط و حصريا على مصر موتورز




حصريا و بعد طول انتظار و طلب من بعض الاعضاء

اقدم لكم اليوم
تقرير مصور عن شيفورليه اوبترا 2013


اعداد و تقديم
YAHIA ASHRAF




نبتدى الاول بالصور




واجهة السياره



الفانوس الامامى بالشبكة



السياره من الامام




الرفرف مع منظر للطاسات و المرايات


منظر اخر للسياره من الامام


السياره من الخلف



جزء من الفانوس الخلفى


الفانوس الخلفى



جزء من جانب السياره



منظر لتابلوه السياره



منظر اخر للتابلوه




التكيف و الكاسيت




فتحة تكيف السائق


منظر اخر لتابلوه السياره



فتحة تكيف الراكب الامامى



لوحة العدادات



الفتيس الاوتوماتيك


الاضائة الاماميه للسياره



ازرار التحكم بالزجاج الكهرباء



دراع الاشارات


منظر للكراسى


فرامل اليد



منظر اخير لتابلوه السياره ( الصوره دى من سنه من المصريه للسيارات)



باب السائق



الدركسيون


الباب الخلفى من الداخل



جراب بالباب الخلفى


الكنبة الخلفيه


الطاسات

كده الصور خلصت



مميزات و اوبشنز السياره


تكيف
باور
سنتر
4زجاج كهرباء مع تحكم كامل لل4 زجاج من باب السائق
كاسيت سى دى - راديو
مرايات كهرباء
4 سماعات ( 2امامى + 2 خلفى )
مفتاح ريموت
انذار
دعامات فولاذيه بالابواب
فرش قماش عادى
جنوط عاديه بطاسات مقاس 14
فتيس مانوال 5 سرعات - او اوتوماتيك 4 سرعات
موتور 1598 سى سى ( يعنى 1600 سى سى )
4 سلندر
16 صباب
107 حصان
2 كامه علويه
انجيكشن
مساند راس
فوج لايت

مقاعد خلفية قابلة للطى
فتح تانك البنزين من الداخل
مدخل AUX
قفل مركزى للابواب

اماكن تخزين بالابواب الاماميه و الخلفيه
حامل اكواب
مسند يد امامى
ساعة رقميه



سعة خزان الوقود 60 لتر

وبالنسبه لمعدل الاستهلاك
*
*
للمانوال
وسط المدينة : 9.2
و الطرق السريعه 5.9
ومتوسط الاستهلاك عموما 7.1

للاوتوماتيك
وسط المدينة : 11.4
طرق سريعه : 6.1
المتوسط عموما : 8.1

*********************


الابعاد
الطول : 4515
العرض : 1725
الارتفاع :1445


بالنسبه لوزن السياره 1230 للمانوال
و1240 للاوتوماتيك



بالنسبه لسعة الشنطه 405 لتر



قاعة العجلات : 2600
***********************

الفرق فى الاوبشنز بين المانوال و الاوتوماتيك

ان الاوتوماتيك بيزيد عن المانوال بفوانيس شبوره اماميه فقط


فى راى السياره جميله ما شاء الله
تقفيل ممتاز و خامات معقوله مقارنه بالسيارات التاحه فى الفئه دى
من جوه واسعه و مريحه

وكشكل خارجى رغم انه قديم بس تصميم متميز لهذه السياره

بالنسبه لعوامل الامان مفيهاش اى وسائل امان وده عيب طبعا

على الرغم ان موقع شيفورليه مصر كاتب ان فيها فرامل ABS - و وسائد هوائيه بس مفيهاش اى حاجه من الكلام ده خالص

قطع الغيار متوفره فى كل مكان و رخيصه
والسياره نفسها منتشره و عليها اقبال
يعنى منين ما تنوى تبيع هتلاقى اللى يشترى منك





دى شوية حاجات انا كونت ناقلها فى المنتدى هنا بس مهمه عن السياره


اكواد كاسيت الاوبترا


اولا افصل كابل الطارية الاحمر لمدة 30 ثانية ثم ركبة تانى و اربطه كويس
و هتحط الاكواد التالية بس خالى بالك لو الكود طلع مش هوة فك كابل البطارية تانى بنفس الطريقة السابقة و هاكذا لحد ما تعرف الكود الخاص بكاسيت عربيتك و بعد كدة احفظة فى مكان امين (هاها)
خلى بالك تعرف ازاى ان الكاسيت قبل الكود اعمل بحث يدوى و اذا كان بيقدم بنص درجة يبقى دة الكود لو بيقدم درجتين يبقى الكود غلط
الاكواد
1156
2145
6361
4316
4362
2145
5624
2152
4513

بس يجب ان تعرفوا ان فية كاسيت بيقبل اول رقمين فقط وفية كاسيت بيقبل اربع ارقام
ارجو انى اكون حليت مشكلة كود الكاسيت




طب فائدة اكواد الكاسيت ايه :-

في حاله تغيير بطاريه السياره الكاسيت مش بيرجع يشتغل بالنظام الزوجي اللي البث الاذاعي بتاعنا شغال عليه بيرجع يشتغل بالنظام الفردي يعني تيجي تولف محطه القرأن الكريم مثلا 98.20 تلاقيه بيجبها 98.10 او 98.3 وطبعا بتكون مش مضبوطه ف الكواد اللي تفضل العضو المحترم ايمن باضفتها بتخليه يرجع يشتغل ذي الاول





اسعار قطع الغيار للشيفرولية اوبترا في التوكيل

1- فلتر زيت 15.5 جنيه
2- فلتر بنزين 37 جنيه

3- فلتر هواء 53.5 جنيه

4- بوجيهات 121 جنيه
5
- تيل فرامل امامي 224 جنيه
6- تيل فرامل خلفى 288 جنيه

7- طنبورة اماميه 461 جنيه

8- طنبوره خلفيه 272 جنيه

9- مساعد أمامى 500 جنيه

10- مساعد خلفى 390 جنيه

11- سير كاتينة 218 جنيه

12- شدادة سير كاتينة 242 جنيه

13- بلية كاتينة 121 جنيه

14- سير دينامو 99 جنيه

15- شدادة سير دينامو 222 جنيه

16- فانوس امامي 790 جنيه

17- فانوس خلفي 522 جنيه

18- اكصدام امامي 1353 جنيه

19- اكصدام خلفي 1353 جنيه

20- كابوت 1412 جنيه

21- شبكة امامية 400 جنيه

22- علامة شيفروليه الخلفية 100 جنيه

23- كف مراية ( الازازة) 67 جنيه
24- قنطرة امامية 3542 جنيه

25- ردياتير 1362 جنيه

26- سربانتينة 2283 جنيه

27- سير المحرك 100 جنيه

28- قربة مياه بالغطاء 120 جنيه

29- علبة البيئة 3680 جنيه

30- كارتيرة عجلة أماميه 140 جنيه

31- دلايات عجل 120 جنيه

32- جنط سبور 14 بوصه 1500 جنيه

33- جنط عادى 15 بوصه 500 جنيه

34- طاسة عجل 120 جنيه

35- اسبراي تنظيف طنابير 21 جنيه

36- اسبراي تنظيف محرك 23 جنيه



الاسعار شاملة 10 % ضريبه






ارقام و معلومات تهم كل اوبتراوى


لاحظت ان فى قطع كثيرة فى السيارة من الصعب الوصول اليها
و مع مشاركاتى فى المنتدى اكتشفت بعضها و فى الغالب كان بعد عذاب
فقررت ان اجمع الارقام فى موضوع واحد لكى يسهل على الجميع الوصول ليها

فى البداية

مقاس البطارية الخاصة بريموت المفتاح
cr 1616
يستحسن تركب انيرجيزر يابانى
المفتاح بدون شفرة

البوجيهات المعتمدة من منصور Acdelco واحد شمعة

البطرية المعتمدة من منصور Acdelco 55

المياة المعتمدة من منصور الحمراء Acdelco او موبيل
ملحوظة Acdelco منصور هو الوكيل

كاسيت السيارة اعلى درجة صوت 41 ولما تقفله بيرجع 15

الاكواد الخاصة بالكاسيت
1156
2145
6361
4316
4362
2145
5624
2152
4513
بس يجب ان تعرفوا ان فية كاسيت بيقبل اول رقمين فقط وفية كاسيت بيقبل اربع ارقام

السماعات الامامية اكبر من الخلفية
الامامية 16 cm
الخلفية 13 cm
السماعات مدورة

تغير زيت الفتيس اتو او منيول كل 30000 ( مذكور فى الكاتلوج كل 60000 و هذا خطاء)

مقاس الكاوتش 14 / 65 / 185

مقاس الجنوط 14

ضغط الكاوتش بيكون 30 صيف او شتاء الضغط ثابت

الصيانة الدورية كل 5000

الضمان 60000 او ثلاث سنوات ايهما اقرب
ضمان العفشة 20000

رقم خدمة عملاء منصور المختصر 16424

جهاز حماية المستهلك
1- الاتصال بالخط الساخن(19588) من خلال أي خط أرضى
( الخط الساخن يغطى القاهرة الكبرى – الإسكندرية ).
2- إرسال شكواك من خلال الفاكس على رقم 35380384
3- الاتجاه لأقرب مكتب بريد لملء استمارة شكوى مجانية.
4- الاتجاه إلى مقر الجهاز بالعنوان 96 شارع أحمد عرابي – المهندسين لتقديم الشكوى باليد.





تصليح تكييف الاوبترا فى التوكيل المركز الرئيسى بالهرم


من كام يوم روحت التوكيل عشان التكييف مابيبردش خالص والزرار اللى بيقفل دايرة الهوا معلق كل ما ادوس عليه يطلع لبره

المهم وصلت الساعه 12 الضهر فى ميعادى وعلى ما المهندس استلم منى العربيه وعملنا أمر الشغل بقت 12:15


قولتله على تبريد التكييف والزرار , قاللى هانكشف ونشوف فى ايه بس الزرار ملوش حل غير اننا نغير البورده بالكامل مش الزرار لوحده وهاتبقى فى حدود 800 جنيه !!! قولتله طب خلينا فى موضوع التكييف الأول


دخلت الاستراحه وعلى 1:30 كلمنى المهندس وقاللى المشكله فى الخرطوم اللى داخل للسربنتينه الداخليه وهانغيره وهانشحن فريون وهانغير الفلتر قولتله توكل على الله


على الساعه 4 تقريبا العربيه خرجت وعلى ما دفعت ومشيت بقت 4:30 , كتير اوى 4 ساعات ونص ودى أول حاجه سلبيه


نيجى للفاتوره , وهاقولكم الاسعار شامله الضريبه على طول عشان اللخبطه


55 كشف على التكييف وشحن الفريون


79,5 فريون


15 زيت فريون


295 خرطوم دخول السربنتينه الخارجيه


110 مصنعية تغيير الخرطوم !!!


115 فلتر تكييف


22 مصنعية تغير الفلتر


37,5 أويل سيل (2)


الأجمالى 729 جنيه !!!! انا شايف ان كتير واللى مغليها المصنعيه خصوصا ال 110 بتوع تغيير الخرطوم , لكن الفريون ماشى , وفلتر التكييف ماشى لانى مغيرتوش خالص دا اللى جاى مع العربيه , والخرطوم معرفش غالى ولا رخيص بس ماعلينا


والزرار عملوهولى بورقه معفنه كدا حل مؤقت يعنى


الخلاصه التكييف بقى تمام بس المصنعيه غاليه واللى ضايقنى اكتر الوقت الكتير عشان كدا بإذن الله هابقى اروح فرع التجمع الخامس , اى نعم بعيد عليا بس مش زحمه والعربيه بتتعمل ادام عينى


ودى صور قطع الغيار




الخرطوم القديم اللى اتغير










الخرطوم الجديد اللى اتركب










فلتر التكييف طالع اسود طبعا










زرار دايرة الهوا















ما يحدث فى الصيانات الدورية للاوبترا

تم السؤال فى القسم اكثر من مرة على الصيانة الدورية و اية الي بيحدث فيها

و كتبت اكثر من مرة و قلت اجمع المشاركات بتاعتى علشان يبقى مرجع سريع و فية اشياء جديدة

فية نوعان من الصيانة


كل 5000 و تكلفتها فى التوكيل حوالى 165 ج

صيانة كل 15000 و تكلفتها فى التوكيل حوالى 195 ج
طيب اية الفرق ؟
فعليا مافيش بس حسب الكتلوج فية
و سوف يتم شرح الكاتلوج
طبعا اول حاجة لازم نعرفها الكتلوج بيقول اية

جدول الصيانة فى كتيب الضمان


تغير زيت الماتور كل 5000 او 10000 حسب نوع الزيت

فحوصات داخل غررفة المحرك كل 5000
تبديل الاطارات ( صليبة عجل ) و ضبط ضغط الاطارات كل 10000
فحص مستوى السوائل و الزيوت ( فتيس- فرامل – دبرياج – دركسيون - مياة تبريد – مياة المساحات ) كل 5000
فحص نظام الفرامل ( تنظيف او تغير تيل الفرامل ) كل 5000
فحص فرامل اليد كل 5000
فحص احزمة الامان كل 10000
فحص جهاز تنقية غازات العادم كل 10000
فحص عناصر نظام التعليق ( العفشة) و نظام الدركسيون كل 5000
فحص نظام تسارع لفات المحرك كل 10000
تشحيم عناصر جسم السيارة كل 5000
فحص فلتر التكيف و استبدالة اذا لزم كل 10000
فحص جهاز تكيف الهواء ( كفائة و سرعات هواء و اتجاة هواء ) كل 5000
فحص فلتر هواء للمحرك كل 5000
استبدال فلتر هواء المحرك كل 30000
فحص سائل الفتيس الاوتوماتيك و العادى كل 5000
استبدال سائل الفتيس الاوتماتيك و العادى كل 60000 ( معلومة خاطئة كل 30000)
تغير سائل الفرامل و الدبرياج كل 30000
فحص سائل الدبرياج و الفرامل كل 5000
فحص سير المحرك كل 5000
تغير سير المحرك كل 55000
فحص سير الكاتينة كل 30000
تغير سير الكاتينة كل 50000
تغير البوجيهات كل 30000
فحص او استبدال اسلاك البوجيهات كل 100000
استبدال فلتر الوقود كل 15000
استبدال صمام تهوية المرافق pcv 30000
فحص سائل التبريد كل 5000
فحص و تغير سائل التبريد كل 40000 او سنة ايهم اقرب

طب اية الى بيحصل فعلى

و دة بيتعمل كل 5000 كم

تغير الزيت

ربط عفشة
التأكد من سلامة الطنابير و تيل الفرامل
الكشف العام على العافشة
تدوير العجل (حسب طلبك )
نفخ فلتر الهواء
تنظيف او تغير فلتر البنزين
تنظيف بوابات البنزين ( حسب الطلب و ممكن تتعمل مجانى و ممكن يحطوهالك على الفاتورة و التكلفة 50 ج لو اتحملت على الفاتورة )
نفخ الطنابير بالهواء
ضبط نسبة المياة
غسيل الماتور بالفوم (بالتفاهم مع الفنى والا لن تحدث )
الاطمئنان على السيارة بصفة عامة

و فية صيانة هامة جدا كل 55000 ك

و فيها بيتغير الاتى
طلمبة مياة ( اذا كان فيها مشاكل )
سير دينامو
شداد سير دينامو
شداد سير كاتينة
بلية كاتينا
سير كاتينة

و طبعا فى حالة حدوث حاجة طارئة او شكوى معينة فالمفروض يتعامل معها مهندس الصيانة

و كدة يبقى انا قلت الكتالوج بيقول اية و الفعلى اية



الاسعار
فول اوبشنز مانوال ب 95 الف جنيه مصرى
فول اوبشنز اوتوماتيك ب 103 الف جنيه مصرى




يارب الموضوع ينال اعجابكم

الموضوع من مجهودى الشخصى و جميع الصور من تصويرى الشخصى و عليها اللوجو بتاعى


( يوجد بعض المقالات منقوله للامانه كما ذكرت فى نفس الموضوع )

تم التصوير و الانتاج من
معارض الداون تاون بالاسكندريه

YAHIA ASHRAF

التعديل الأخير تم بواسطة YahiaAshraf ; 15-11-2012 الساعة 05:38 PM
رد مع اقتباس