رد: ما هى حقيقه رينو ميجان ؟
مش علشان أمريكا أكبر سوق تجارى...تبقى هى معيار النجاح و الفشل
طيب ما سيتروين مالهاش وجود فى أمريكا
و يمكن كمان ألفا روميو ....و حتى عهد قريب جدا جدا كانت ال VW الوحيدة فى أمريكا هى الخنفساء
كل الناس دى بقى دغوفات و مش بيعرفوا يعملوا عربيات علشان الشعب الأمريكى لم يتفضل بشراءه لتلك السيارات ؟؟!!!
الأمريكان عايزين حاجة ناعمة و قوية و كلها حنية و خلاص.....و لعل فى سياراتهم لأبلغ تعبير عن الدماغ الحلوة هناك
عندك مثلا الفورد ال Pick-up اللى اسمها F150 تقريبا...هى دى ملكة المبيعات
اتفرج كده على تكنولوجيا و تصميم المحرك و العفشة و ما إلى ذلك من - عذرا للتعبير - Bullshit أزلى ينم عن تحجر فكرى لامع
أمريكا مش بتعرف تعمل غير عربيات ضخمة مريحة جدا فى المسافات الطويلة...فاشلة تماما فى الثبات و الأمان و حكاية الاقتصاد فى الوقود دى مسألة هامشية بالرغم من مرور 35 سنة على أزمة 1973 ....
و لازم نكون فاهمين إن عربيات زى المونديو و ال Focus لا تمت للولايات المتحدة بصلة...دى أوروبية خالصة و كانت ألمانى حتى سنوات مضت....
رينو مين إللى تمشى معاهم؟؟؟؟؟.......البنى آدم عندهم شكله عامل إزاى ووزنه إيه علشان يحط أى حتة من جسمه فى ميجان مثلا....
لما حد عندهم يحب يركب عربية تعكس إنه مثقف و على قدر من التعليم و الرقى ...بتكون الخيارات ( أودى قليل-ساب-BMW ) و مؤخرا جدا الجيتا و الباسات....
شيوع السيارات الكورى ليس إيمانا بعظمتها...بل لرخص السعر و ملائمتها للمدن المزدحمة...لكن مش هتلاقى عائلة أمريكية أصيلة من تكساس عدد أفرادها 7 و عندهم هيونداى Trajet و لا كيا كارنيفال...هتلاقيهم فى Suburban و لا Town & COuntry و لا Windstar ....
بص يا باشمهندس هانى...إنت تجربتك مع الميجان كانت سيئة و ده واقع بالنسبة لك لن يستطيع أحد إنكاره...لكن....مصطلحات زى " إبهار كاذب " و " حملات إعلامية " و "خداع و لو من ناسا "...دى كلمات حادة جدا....
و لو عايز تشوف أكبر نصب فى إعلانات فأفتكر الإعلانات بتاعت موتور الكورولا الجديدة إنه 142 حصان بس الكلام ده من غير ما يكون راكب داخل السيارة...و إن الإلانترا 122 حصان
يعنى رينو كدبوا فى إيه ؟؟؟؟
معدل استعلاك وقود ؟؟؟...حقيقى....
مواصفات أمان ؟؟؟.....واقع
تكنولوجيا ؟؟؟....كلك نظر....ساعة لما نزلت فى 2004 كانت السفيك و ال A4 و لا حتى الأسترا شكلهم إزاى
مقاييس جمالية ؟؟؟....و لو إنها مسألة أذواق و وجهات نظر...بس أنا عارف إن شكلها عاجبك و كان ده إللى مصبرك عليها
و فى النهاية أحب أقول...إن أمريكا و فرنسا مافيش بينهم عمار بشكل عام...لا على المستوى الشعبى و لا حتى السياسى....اتفرج على تريقة الأمريكان على الفرنساويين و نظرة الفرنساويين للأمريكان...بينهم كل خير الحقيقة....أفضل تشبيه لهم...قطبى المغناطيس المتشابهين طبعا...
و بعدين هى أمريكا عملت إيه لصناعة السيارات من ساعة الفورد T ؟؟؟..و لا حاجة....
شوف بقى فرنسا عملت إيه
كفاية السيتروين ال DS و النجوم ال 5 بتوع الميجان.....
دى بلد رموزها علبة مارلبورو أحمر و راعى بقر على حصان...ده غير الأساس الدموى إللى بنيت عليه
__________________
Megane...Every Trip is a Journey
|