رد: التقسيط ,,, و الحرام و الحلال موضوع عايز تتكلموا معايا فيه ...
انا مش معاك و انا رايي في الموضوع ده استفتي قلبك و لو افتوك و انا بصراحة مش مطمن لموضوع تقسيط العربيات ده لان الفوايد باي شكل و اي صورة اعتقد انها ربا و المفتي يقول اللي هو عاوزه .
اه انا عارف ان العربيات دلوقتي من اساسيات الحياه مش منظرة و لا شكل اجتماعي و ده طبعا نظرا لطبيعة المواصلات العامة الغير ادمية و علشان تقعد تجمع ثمن عربية كاش هتقعد طول عمرك تحوش(وده بسبب الجمارك طبعا) او تشتري عربية مستعملة و في الحالة دي هتتعلم الادب من اول و جديد بسبب جهل و غش الصنايعية و بتوع قطع الغيار .
و مع ذلك برضه اعتقد انه حرام .حرام لما ادفع في عربية تمنها بره مصر60 الف مثلا الالنترا 106 الف و كمان بالفوايد توصل الي حوالي 150 الف جنية بفوايدها و اعتقد انك لو متأكد من رايك مكنتش سألت و علي العموم هذا رايي الشخصي و شكرا ليكم
|