لما اشتريت العربية كانت العمة اللى واصلة ما بين الكاربيتير وفلتر الهواء (اللى ما غيرتوش لانى تمن العربية خلص على فلوسى )مفكوكة من ناحية الكاربرتير والكاربتير بياخد الهوا مباشر بدون تنقية .
قلت اعمل فيها ناصح وفكيت الفلتر ونفخته بمسدس الهوا ومطلعش تراب كتير لنه كان عامل زي ما يكون عليه تراب مزيت وقذارة .
المهم ركبته مكانه وربطته فى الكاربتير بافيز ربطة تمام وككان فيه خرطوم طالع من الكاربرتير من تحت ما اعرفش فايدته وداخل فى الوصلة اللى بين الفلتر وبين الكاربرتير ركبته كمان وربطت الافيز على كل وصلة تمام وطالع النهاردة الصبح وعينك ماتشوف الا النور ماشى والعربية طفت فى اشارة وادورها ابدا راسها والف جزمة ماهى دايرة .
المهم خدتها على جنب وواحد ابن حلال قالى العربية شرقانة واصبر شوية .
افتكرت اللى عملته امبارح بالليل روحت فاكك العمة او الوصلة الموصلة بين الكاربتير وبين الفلتر لانى استنتجت ان دايرة الهوا فيها مشكلة ونسبة البنزين للهوا مش مضبوطة علشان كده العربية شرقت .وبعد 5 دقايق دورتها دارت والحمد لله.
يا ترى كده المشكلة ان فلتر الهوا عايز يتغير والا حاجة تانى .
ولو سمحتوا ممكن حد من الزملاء المحترمين يعرفنى ايه هيا وظيفة المواسير المرقمة فى الصورة المضغوطة الملحقة .
_بالنسبة لرقم اربعة دول حديدتين زي الفيشة الدكر فى المكان ده ومش متوصلين بحاجة وعايز اعرف وظيفتهم .اما رقم 5 فعايز اعرف اسمها لانى باقول عمة من عندي وما اعرفش اسمها ايه .
ملحوظة : التكييف عندي ملغي
مع خالص الشكر لحضراتكم