[Payoo]

أنا أسف يا جماعه على الامتناع عن الرد طوال المده إللي فاتت
وسبب الأمتناع أني منتظر رد من الشركة وإيجاد حل للمشكلة
لأني لو أستعجلت في الرد ممكن الناس تفهم أني بهاجم الشركة أو عاوز اعمل مشكله معاهم أو اشهر بيهم والعياذ بالله

وبصراحة أنا هالتزم الصمت لمده أطول لحد ما الشركة نفسها تقولي مافيش حل وإن الزيت إمكانياته كده
ويعلم الله أني لا أنتظر تعويضي عن الـ290 جنيه تمن الزيت إللي راح على الأرض لكن كل إللي شاغلني و مضايقني إن الموتور ممكن يكون أتأثر من الاحتكاكات إللي حصلت على السرعة العالية وإن يكون حصل تسلخات للشمايز أو الشنابر وساعتها هاكون خسرت كتير قوي

على أي حال الناس كلموني على الموبايل ثلاث مرات وفي الثلاث مرات هو هو الكلام مافيش تغيير
- المكالمة الأولى :-
أعتذروا عن عدم إمكانية الرد على الموضوع في المنتدى بسبب توقف عضويتهم

و سألوني نوع العربيه أيه ؟ عامله كام كيلومتر ؟ أستخدمت أي نوع من انواع الزيت ؟ أستخدمت مواد إضافية ؟
ثم :-
هانبلغ المسئول الفني في الشركه وهانبلغك إن شاء الله
شكرا

------------------
المكالمة التانيه :-
سألوني نوع العربيه أيه ؟ عامله كام كيلومتر ؟ أستخدمت أي نوع من انواع الزيت ؟ أستخدمت مواد إضافية ؟
ثم :-
هانبلغ المسئول الفني في الشركه وهانبلغك إن شاء الله
شكرا
--------------
الككالمة الثالثه :-
سألوني نوع العربيه أيه ؟ عامله كام كيلومتر ؟ أستخدمت أي نوع من انواع الزيت ؟ أستخدمت مواد إضافية ؟
ثم :-
هانبلغ المسئول الفني في الشركه وهانبلغك إن شاء الله
شكرا
=========================

قبل المكالمات دي كلها كنت قد قمت بإرسال بريد إليكتروني للشركة فيه تفاصيل التفاصيل
وأرفقت فيه لينكات الموضوع هنا في المنتدى
ولينك بالفيديو على اليوتيوب


ومازلت منتظر الرد من المسئول الفني