الله ينور يا استاذ سامح موضوع مرتب و دمه خفيف و صور ممتازة
انا بعد اذنك حضيف حاجة صغننة
التسمية over drive جت من ان الطبيعى ان عدد لفات الماتور بتبقى اكبر من عدد لفات العجل (للحصول على عزم عالى ) بس الاوفر درايف بيبقى ترس صغير اصغر من التروس العادية فبيخلى عدد لفات الماتور اصغر من عدد لفات العجل و من هنا جت التسمية ان انت بتعمل drive للعجل بماتور ابطىء و ده ميزته ان فى الاوتوماتيك ( فى مانيوال فى اوفر درايف بس مشفتوش فى مصر ) كومبيوتر الجيربوكس لما بيحس ان السرعة ثبتت شوية ( طبعا فى سرعات فوق ال60 كم /س ) يروح ناقل على الترس الصغير ده فبيوطى ال rpm لاستهلاك اقل و صوت اهدى و اطالة عمر المحرك و الفتيس
و الزرار بيديك الاختيار انك تفصله ( ساعتها لمبة فى التابلوه بتنور o d off زى ما انت موضح احسن من توضيحى ) و هما متعمدين يبقى فصله هو الى ليه لمبة تحذيرية علشان غلط يبقى مفصول من غير لازمة
و الحالات الى المفروض تفصله فيها
1- طريق فى مطالع و منازل جااامدة زى الطرق الى فى الى بتطلع جبال ( الكبارى متعتبرش مطالع جامدة )
2- قاطر حاجة
و طبعا ده مش موجود فى مصر كتير
و بانصح كل الاخوة متمشيش و الاوفردرايف مفصول ( يعنى متبقاش اللمبة منورة فى التابلوه )
|
بص يا باشا عشان الموضوع ده بيلخبط ناس كتير فده كان ردى فى احد المواضيع عن الاوفر درايف
و ده رابط الموضوع للمزيد من المعلومات
http://www.masrmotors.com/vb/showthread.php?t=36513