[حازم عامر]

انا معايا كيا سيفيا 2001 انا بجد بعشق العربية دي عربية تحفة ومالهاش حل واسعة جدا من جوه وثابتة جدا ع الطريق لكن عزمها ضعيف شوية مع انها 1600 وتسارعها بطيء لكن عفشتها ناعمة جدا واستهلاكها للبنزين قليل جدا وفيها مشكلة ان الرؤية الخلفية ليه مش واضحة يعني مابتشوفش اللي وراك بوضوح تكييفها متوسط شكلها جميل خصوصا من الرير اجمل من شكلها من قدام الباور بتاعها جميل جدا والفرامل جيدة لكن الدبرياج تقيل شوية العربية ما بتسخنش خالص مهما مشيت بيها في وسط البلد في عز الحر , عزل الكابينة رائع الكراسي مريحة جدا لكن دايما عندي مشاكل في كهربة العربية مش عارف ليه خصوصا الكشافات انا عموما ما بزودش عن 120 كيلو في الساعة لكن العربية دي على 120 زي على 40 مفيش اي اهتزاز او صوت وبجد من اجمل سيارات شركة كيا