عربيتي دايو نوبيرا 1 كوري موديل 97 من ساعة مشتريتها وهيا زي الفل بس بتعمل عيب غريب جدا اولا العربية في السحب زي الفل والدوارة الصبح زي الفل من اول تكه والاربي ام ممتاز بس بتهبب بوجيهات وبتبرجل في الغيار الاول فقط زي تنتيشة كدة بس مقرفة جدا وتخليك تكره العربية واللي راكبها كمان لاكن باقي الغيارات زي الفل ومفيهاش اي مشكله
العيب ده باه مجنني لدرجة اني بفكر ابيع العربية بسببه
مش عارف قالولي بوجيهات غيرت لحد دلواتي حوالي 4 اطقم ngk الاصلي طقم منهم 2 شمعة وبرضه مظبتتش
قالولي حساس الشكمان حطيت العربية علي الاسكانر الكهربائي قالي ان هوا شغال بس بيدي قراية مش صحيحة قالي انظفه قولتله لا وغيرته بواحد جديد اصلي ب225 ج وبرضه العيب لسه موجود
مش عارف باه العيب دة من ايه ممكن يكون الرشاشات ولا ايه ارجو الافادة من اعضاء المنتدي الكرام ولكم جزيل الشكر