رد: FSV العربية اللي شلت اللي حاجزها
والله يا جماعة أنا حجزت السيارة fsv gls مانيوال فى معرض أوتوماك فى أكتوبر الماضى ودفعت 1000 جنيه مع وعد بالتسليم أول السنة لأن اللى حاجز من المعرض له أولوية الإستلام وفى 15 ديسمبر كلمت مسئول المبيعات واسمه عمر للتأكيد وطلب منى زيادة المقدم حتى يكون لى الأفضلية القصوى نظرا لشدة الإقبال على السيارة فدفعت له 19000جنيه زيادة وكلمته تانى يوم 25 ديسمبر ففوجئت بيه بيقول ان الإستلام أخر يناير بسبب تأخر الشحنة وعرض على عرض غريب جدا هو ان انا استلم الgl بدلا من gls مع عمل تعديل عندهم فى البافارية لتعويض فرق الأوبشن ( الجنوط-الفوجات....الخ) وطبعا رفضت وقلت شهر مش مشكلة وكلمته تانى امبارح ففوجئت بيه بيقول تانى ان الإستلام أخر مارس وأقسم لى بالله ان المشكلة فى الجمارك لدرجة ان السيارات الgl لسة مخرجتش من الجمرك وعرض على أسترد ال 19000واسيب الألف الأولى فقط . بصراحة مش عارف الموضوع حينتهى على ايه والحاجة اللى تضحك انى اضطريت أدخل السيارة اللى معايا وهى تويوتا ستارليت 94 سمكرة ودوكو لأن عندى فحص السنة دى ومقضيها تاكسات .
|