رد: صيدليه مصر موتورز
عن الsunblock
الأول لازم نعرف ان المسلك الطبيعي لحروق الشمس يكون كالتالي
احمرار :  يبدأ بعد التعرض للشمس لمدة ما بين 20 الى 30 دقيقة...
ودي بتكون من أكسدة بسيطة لميلانين الطبقة الخارجية للجلد بجانب توسع الأوردة الصغيرة في الوجه...
اذا استمر التعرض للشمس لمدة من ساعتين ل8 ساعات...
هذا الاحمرار الظاهري يختفي ويبدا الحرق الحقيقي للجلد...
بيحصل بعد كده توسع في الشرايين الصغيرة مما يؤدي الى تسرب فيها ويحصل ورم بيكون في اقصى حالة له بعد 14-20 ساعة وبيستمر لمدة من 24 -72 ساعة...
أمال الاسمرار بيحصل نتيجة ايه؟
1- نتيجة لأكسدة للميلانين الموجود فعلا في طبقة الجلد السطحية.
2- ونتيجة لاستثارة الخلايا المفرزة للميلانين وافراز كميات اضافية واللي هية بيحصلها اكسدة هية كمان.
المعلومات دي علشان نعرف العملية بتحصل ازاي...
وندخل في الموضوع...
1- لازم نعرف ان الشمس تحتوي على ثلاثة انواع من الموجات فوق البنفسجية أهمها بالنسبة لينا
UVA
ودي مسئولة عن الحساسية الضوئية والتهابات الجلد من الشمس وممكن تتسبب في سرطانات في الجلد لا قدر الله
UVB
ودي مسئولة عن حروق الشمس اللي احنا عارفينها
2-لازم نعرف الSPFالمكتوب على عبوات الSunblock بيعني ايه
يمكن تقسيم أهم أنواع الsunbliock حسب قيمة الSPFالى:
2-12 وده بيوفر للجلد اقل حماية ممكنة
12-30 بيوفر حماية متوسطة
30 وأكثر بيمثل حماية قصوى
SPF 30 يمكنه حماية الجلد من 97 % من أنواع الاشعة فوق البنفسجية المذكورة...
هنلاقي في السوق ان فيه مستحضرات مكتوب عليها ان الspf 45 أو 95وده كله لم يثبت أن له أي فائدة زائدة عن ال 30حتى ان بعض الدول بتحترم نفسها ولو عملتها بتكتب 30 بلاس مش 45 ولا حاجة
وكان من الملاحظ أن مستحضرات تحتوي على Spf 15 كافية للحماية من سرطان الجلد المتسبب من الاشعة UVA
طب يعني ايه الSPF أصلا؟
هو ناتج قسمة المدة التي يمكن ان يتعرض فيها الجلد للشمس بعد وضع المستحضر عليه بدون أن يحدث له احمرار على المدة التي يحدث له فيها احمرار بدون وضع المستحضر عليه..
وده ممكن نفهمه بطريقة اوضح
أن زي ما قلنا ان الانسان الطبيعي بيبدا الاحمرار عنده بعد 20 دقيقة في حالة عدم استخدام مستحضر
فلو استخدم SPF6 يعني انه ممكن يتحمل حتى 6×20 =120 دقيقة دون أن يحدث الاحمرار...
لو استخدم SPF 30 ممكن يتحمل حتى 30×20 = 600 دقيقة اي عشر ساعات دون حدوث الاحمرار...
وبالتالي دون حدوث حرق للجلد
في النهاية لازم نعرف ان فيه عوامل اخرى كثيرة تؤثر في هذه المدد مثل درجة حرارة الشمس وشدتها وحساسية الجلد من عدمها وجفافه دهنيته...
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء*
شرقت حشاشات النحيب وأينعت*
وشوى الأنين قلوبنا فتفطرت*خلف الجفون دموعنا الخرساء*
أكبادنا فبكاؤنا إيماء*
|