[محمد هندى]

لمشاركة الأصلية كتبت بواسطة alaa@virus

اشتريت عربية 126 مستعمل ما هى رسوم التسجيل بالشهر العقارى ؟؟؟
منتظر ردوكم اخوانى فى الله
العربية موديل 1990 و650 سى سى
اشتريتها ورايح يوم السبت اسجلها بأسمى
والراجل البايع قالى مصاريف التسجيل عليك كنت عاوز اعرف هى كام مصاريف التسجيل ارجوكم
هو لازم البائع يجيبلى شهادة مخالفات وشهادة بيانات ؟
ولا لا
اصل الراجل بيقولى
مفيهاش مخالفات
وبيقولى لو عليها جنية حدفعة
ويا ترى رسوم شهادة البيانات وشهادة المخالفات بكام ؟
والسلام عليكم

واسف اذا كان الموضوع مكرر
اول حاجة الف مبروك على العربية وربنا يديك خيرها ويكفيك شرها
ثانيا فعلا التسجيل بيبقى على المشترى لو عملك توكيل بالبيع لنفسك وللغير بيبقى على البايع وفى كلتا الحالتين تكاليفة قليلة بس كام فعلا دى فالشهر العقارى
ثالث حاجة ودى الاهم لازم يجيب شهادة المخالفات قبل متدفع باقى ثمن العربية ضرورى جدااااا مخالفة عكس السير للفسبا بثمنها بس لازم تتدفع عشان ترخص وانت ضرورى هتحتاج شهادة المخالفات عشان ترخص العربية باسمك ولو الرخصة سارية مش هتحتاج بيانات لو منتهية حتحتاج بيانات للشهر العقارى واخرى للمرور التابع انت لة لنقل الملكية
رابع حاجة تكلفة الترخيص
الضريبة 145.2 جنية
التامين الاجبارى 62 جنية
تامين لوحات 30 جنية
اللوحات الجديدة باسمك 115 جنية
نموذج 251 9.2 جنية
نموذج فحص فنى 3.6 جنية
نموذج فحص بيئى 5.1 جنية
نموذج طفاية 4 جنية
نموذج تجديد سنة 11 جنية
شهادة البيانات فى حدود 10 جنية
دى كل المصاريف الا هتدفع فى المرور لنقل ملكية السيارة ليك
والف مبروك مرة ثانية