حكايتى مع الاوبترا و الفيرنا و اللانوس و الفروق بينهم
انا حبيت احكى تجربتى مع 3 سيارات ركبتهم فى حياتى على سبيل المقارنه لعل الاخوه الاعضاء اللى بتحب تقرا و تتعرف على العربيات من خلال تجارب الاعضاء الاخريين تستفاد و تفيد الاخرين
اولا الفيرنا
ركبت الفيرنا فى 2007 و كانت اتوماتيك فى البدايه بصراحه كنت حاسس ان العربيه مميزه جداااااالانى مكنتش جربت اسوق عربيات قبلها العربيه ناعمه جدااااااااا و سحبها ممتاز بشكل نسبى و العفشه ناعمه اوى برده عزلها الى حدا ما كويس العربيه رغم سحبها الممتاز من الثبات الا ان سحبها مش كويس فى السرعات العاليه و كمان الثبات بتاعها مش هلاقى غير كلمه قذر جداااااا هههههههه فى السرعات العاليه و كمان حياتك هتكون فى خطر كبير جدااااا لوحبيت تجرى فى خط غير مستقيم يعنى باللغه الشبابى تعمل غرزه كده يعنى او تاخد ملف على سرعه - صالون العربيه ضيق اوى خصصوا بالكنبه الخلفيه تابلوه العربيه تصميمه وحش جداااااااا مفهوش اى لمسه جماليه او عصريه وحطين كاسيت على ما تفرج كده يعنى الخامات رديئه جداااا و التقفيل زباله زباله زباله لاقصى حد التكيف كويس جدا و بيقوم بالواجب الكراسى مش مريحه الى حد مااااا و سحب البنزين معقول جدااا ودى عاده العربيات الهيونداى و التانك حوالى 40 لتر العربيه فى برنامج توب جير اشهر برامج مقارنه و تقيم السيارات اخدت 22 نقطه من 100 و اتقيمت بحوالى 1000 دولار و يارتنى مركبتها
اللانوس
كنت مسميها زقزوقه عربيه ااستحملتنى كتير وكنت بحبها جدااااا لانها فعلا عربيه تتحب رغم عيوبها بس كان ليها مميزات برده كتير
العربيه ناعمه جدااا برده بس مش نعومه الفيرنا العفشه قويه جداااااااا اقوى من الفيرنا كتيرررر بس اخشن من الفيرنا خصوصا العفشه الخلفيه لانها على مساعد و ياى بس اما الفيرنا على مقصات فبتكون انعم كتير طبعااا سحب العربيه عكس الفيرنا تماما يعنى من الثبات طلعتها تكسفك بجد بس بعد ال 120 بتتحول لوحش ابن وسخه على الطريق ثبتها بالنسبه لفئتها ممتاز لحد 160 بعد كده مطبات الهوا تبدا تظهر الى حد ما لكنها بتتميز انك ممكن تناور بيها كويس و انت بتجرى عكس الفيرنا المصيبه- صالون العربيه انضف من الفيرنا بكتيررررررررر مساحه اكبر خصوصا الكنبه الخلفى و تبلوه اللى بيتميز عن الفيرنا انك ممكن تضيف له كاسيت دابل او عريض لان فى مساحه ل 2 كاسيت مش واحد وده بيخلى شكله اشبه كتير بعربيات اعلى فى الفئه منها شكله التابلوه و الزراير افخم الى حد مااااا التكيف ممتاز برده مش يفرق عن الفيرنا صيانه العربيه ارخص و قطع غيرها ارخص و متوافره منها صينى و تركى و كورى و اصلى و المانى ده غير الاستعمال عيب العربيه فى الاعطال الكهربا و الحساسات اما المكانيكا و العفشه انساهم بجد - سحب البنزين اعلى نسبيا من الفيرنا رغم ان الماتور1500 بس يمكن عشان التكنولوجى بتاعه اقدم شويه من الفيرنا و التناك حوالى 48 لتربنزين -العربيه فى برنامج توب جير اشهر برامج السيارت اخدت حوالى 35 نقطه من 100 متفوقه بمراحل عن الفيرنا الزباله و سعر حوالى 5000 دولار وده يوضح الفرق عند الناس اللى بتفهم
الاوبترا
الاوبترا ودى عربيتى الجديده الحمد لله على نعمه ربى ايا كانت رغم الفارق فى الفئه بينها و بين الفيرنا و اللانوس بس حبيت اتكلم عنها عشان اللى عايز يغير عربيته من فيرنا او لانوس لعربيه تانيه يعرف برده
الاوبترااا عربيه ممتازه جداااا جداااا مميزات كتيرررر اوى فيها رغم اختلاف اراء عليها
العربيه حجما عائليه جداااااا شكلا بتتمتع بقدر كبير من الكلاسيكيه الحديثه عاليه عن الارض بشكل ممتاز عفشه اماميه ماكفرسون ممتازه و نعمه جدااااا و خلفيه نظام مقصات محترمه مش بنعومه عربيات فى فئتها مثل الالنترا و السيراتو و الصنى لكنها مريحه جداا برده الصالون واسع اوى و كبير و اقدر اقول انه اكبر من السيراتوا و النترا و الصنى - محترم من حيث الخامات و التقفيل بشكل كبير العزل ممتاز جداااا يعنى مثلا لما بمشى فى طريق فى دخان و حرايق كتيره و اقفل الزجاج و اقفل فتحات التهويه على الوضع الدائرى مش بشم ريحه الهوااا عكس الفيرنا و اللانوس لو عملت قرد و عزل الصوت ممتاز جدااااا التكيف تلاجه و المراوح قويه و الكراسى مريحه سحب العربيه رائع جداااا على السرعات العاليه و بدوس بيها مع عربيات اعلى فى الفئه منها بكتيرومش بتكسفنى خالص و الثبات فوق الممتازلحد 190 العربيه زى الاكس ما شاء الله سحب البنزين مثالى جدا بالنسبه ليااا يعنى ال 10 لتر حوالى 100 كيلو داخل المدينه و التانك حوالى 60 لتر يعنى تسافر بيه من اسكندريه لا سوان من غير مشاكل و رغم كل المميزات ديه العربيه ظهرت فيها عيوب تصنيعيه او تصميميه يعنى مثلا فى مشكله فى علبه الدريكسون و طلمبه الباور يعنى بيبوظوا بعد فتره اقل من الطبيعى فى عربيه اخرى و كمان فى مشكله البوابه المشهوره بيها وهى جزء اد كف الايد فى حساسات مسئوله عن حساب نسبه الهواء اللى بيدخل للماتور و دى بتتغير لما بتبوظ و بتعمل 1300 جنيه تقريبا قطع الغيار غاليه شويه وده طبيعى لانها فئه عاليه الى حد مااا تكنولوجى الماتور قريب من النوبيرااا بس بتعديل اجزاء بسيطه اتحولت من عاده الى كهربا لسرعه الاستجابه العربيه فى برنامج توب جير اخدت حوالى 58 نقطه من 100 وده معدل مثالى جدااااااا فى البر نامج و سعرها حوالى 12000 دولار -التكنولوجى قديم شويه وده ميزه نسبيه لانى مقتنع بان كلما زادت التكنولوجيا فى العربيات كلما قصرت اعمارها لان الصنايعيه فى مصر قديمه اوى ومش بتطور نفسها و بالتالى العربيات عاليه التكنولوجيا هتحتاج لمتخصصى التوكيل و ما ادراك التوكيل فالاوبترا تكنولوجى قديم نسبيا بس بقدرات تكنولوجى اعلى منها بالظبط ودى ميزه الرائعه اوبترا
|