عرض مشاركة واحدة
  #16  
قديم 26-09-2011, 11:43 AM
ahwaheed ahwaheed غير متواجد حالياً
 
تاريخ التسجيل: Jul 2011
المشاركات: 9
ahwaheed is on a distinguished road
Talking رد: ممكن طريقة توصيل صب كمبيوتر على العربية؟


المشاركة الأصلية كتبت بواسطة فياتاوى مشاهدة المشاركة

سلام عليكم

--

ياجماعة انا عندى صب كمبيوتر حلو جداً

عبارة عن صب كبير و2 سماعة صغيرة

المهم انا لما سرحت بخيالى قولت فيشة الكهرباء بتاع الصب فى الآخر هى طرفين عبارة عن موجب وسالب مش ممكن يتعملها سلك وتوصل على العربية ؟

ياريت حد يفيدنى فى الموضوع دا هل ينفع اعملها ولا لأ؟

وانا اعرف كهربائى ممتاز بس ممتاز فى شغل العربية نفسه زى التكييف والأنوار وكدا مش عارف بقى هيعرف يظبط موضوع الصب دا ولا لأ

وهل فى حاجة لازم اعملها فى الصب الأول ؟؟ ناس قالت بتعمله فيوز او حاجة زى كدا عشان ميتحرقش

منتظر رأى الخبراء وبسرعة الله يكرمكم العيد جاى
وكل سنة وانتم طيبين
بص يا ريس !
صب الكمبيوتر انت بتوصلة بفيشة الكهرباء واللى هى بتديلك جهد كهربى متردد قيمته 220 فولت ، اما فى السيارة فمصدر الكهرباء هو البطاريه واللى هى بتديلك جهد كهربى مستمر قيمته 12 فولت .
فطبعا يستحيل توصل على بطارية السيارة زى ما بتوصل فى الفيشة اللى فى المنزل ، فالحل ايه بقى يا زعيم ..
صب الكمبيوتر فى الاصل بيتشغل على جهد مستمر(زى بطارية السيارة) من 5 فولت الى 12 فولت حسب نوع الصب ، و لكن فى داخل الصب دايرة كهربية بتحول من ال 220 فولت متردد الى فولت مستمر علشان الصب يشتغل ،فانت شطارتك بقى انك تفك الصب وتحاول توصل للطرفين بتوع الدايرة الكهربية دى ، بس ده عاوز شوية خبرة وجهاز أفوميتر وكاوية لحام ، ولما توصل لهم تقوم تلحم فيهم سلكين الموجب والسالب اللى هيتوصلوا ببطارية السيارة. ولكن بشرطين مهمين:
الاول : لما توصل للطرفين دول لازم تفصل الدايرة الكهربية اللى اتكلمنا عليها فى الاول ، وكأنك هتبدأ تشغيل الصب من أول السلكين الجداد اللى هيتلحموا وما قبل ذلك ليس له استخدام(أعنى الدايرة اللى بتحول الجهد المتردد 220 فولت الى جهد مستمر).

ثانيا : لازم تعرف الجهد المستمر اللى بيشتغل عليه الصب ، وتعرفه يا إما مكتوب على الصب من برة ، أو تقيسه بجهاز الافوميتر وهو بيكون خرج الدايرة اللى انت هاتفصلها(اعنى الدايرة اللى بتحول الجهد المتردد 220 فولت الى جهد مستمر )
والرسمة دى ممكن توضح اللى انا قولته
انا عمال احاول ارفع الصورة ولكن فى مشكلة
--------------------------------------------------------------------------------------------------------
يوجد حل ثانى وأسهل وهو انك تشترى محول جهد مستمر الى جهد متردد للسيارات ، وكدة توصل الصب مباشرة كانك بتوصله فى المنزل.


التعديل الأخير تم بواسطة ahwaheed ; 26-09-2011 الساعة 12:02 PM
رد مع اقتباس