وحيااااااتك حتغلى برضو ....ptmnlo123per1106ptmnl o123per1106
المشكله ان غبور ملوش دعوه باللي بيحصل بره ... هو ليه دعوه بجوه بس
بيحط سعر العربيه بناء على العرض و الطلب ..... الالنترا بتزيد بدون مبرر الا لانه مفيش حاجه بتنافسها سعريا بعد ما كانت منافستها الاوبترا لكن مع الوقت الناس فضلت الالنترا على الاوبترا فغلى سعرها
الماتريكس الجديده اتوقع فشل ذريع و لازم ينزل سعرها .... و الا يبقى احنا نستاهل اللي يجرالنا
على فكره انا المفروض افرح لما سعر الماتريكس يغلى ...
ابسط حاجه لو فكرت ابيع النهارده حعرضها بسعر كويس و يمكن اكتر من التمن اللي اشتريتها بيه
و اللي جاي يشتري مني بمنتهى البساطه حقوله:-
العربيه مطلوبه و شوف سعرها زيرو كام النهارده ...
دا انا بديك جوهره على عينيا اني ابيعها دي اخر موديل كوري في الشكل دا و اللي بعدها تركي ..... او ادفع بقى 100 الف وهات زيرو شبه الميكروباص
انا مش زعلان ان هيونداي بتتطور و تتقدم ... انا زعلان لأني شايف وكيل بيتلكك انه يزود السعر لأي سبب وبدون سبب !!!!!!
وبالتالي الناس حتبعد عن هيونداي و تروح لحاجات تانيه
وسياسته دي مع الوقت حتفشل لأنه الاول كان دارس سعر المنافسين و بيحط سعر منافس حتى لو زوده بيفضل سعره منافس .....
لكن دلوقتي اتوقع انه يغلي سعره بناء على سمعه هيونداي عالميا ...و الكلام دا مياكلش معانا .... وده اللي مزعلني
لأنه مبينزلش عربيه بمواصفات هيونداي بره.
النهارده الناس حتسيب الماتريكس وتروح للياريس و الانسر والصني (بغض النظر عن اختلاف الفئه)
وحيسيبوا الالنترا و يروحو للسيراتو
ولو ابو الفتوح شد حيله شويه حيغطي على الفيرنا
والفيرنا الاوتوماتيك .... الافيو دخلت عليها
فاضل ايه الاكسنت .... الافيو برغم مشاكلها انتشارها اكتر... ونصير قدامه فرصه دهب بالريو ... بس مش عارف ليه مبيستغلهاش
انا مبسوط بتطور هيونداي .... واتمنى غبور يطور سياسته:-
يزود مراكز صيانه قبل ما يزود مبيعاته
يحسن الخدمه قبل ما يغلي قطع الغيار و المصنعيات
ينزل مواصفات امان و ساعتها يبقى زياده السعر منطقيه
ساعتها اقول عربيتي هيونداي ptmnlo123per154ptmnlo123p er154
ولما افكر اغير ممكن افكراجيب هيونداي زي ما فكرت فيها وجبتها من سنه فاتت .... لكن النهارده بالوضع ده لا يمكن افكر فيها...
معلش يا احمد باشا طولت عليك .... بس احنا هيونداويه زي بعض
و الهيونداوي لو مفضفضش لاخوه حيفضفض لمين !!!! ptmnlo123per1127