السلام عليكم
انا معايا لانوس وهى فيها نفس المشكلة ماعندناش طبة لزيت الفتيس بس الزيت بيتغير عن طريق انك تروح لميكانيكى وتقوله يحل الكارتيرة بتاعة الزيت بتاع الجيربوكس وينزل الزيت القديم ويحط زيت جديد ويفضل لو موبيل 90 ماتجيبش 140 وكمان خليه يغسل الكارتيرة بالبنزين كويس وينضفها عشان بيبقى فيها رواسب ورايش وبعدين هقول لحضرتك ليه لازم تغير الزيت مش بس تزوده لاننا اتعلمنا من عمنا عصام غنايم ربنا يكرمه ويباركله عاللى علمهولنا بجد فى كل حاجة عن العربية حتى علمنا ازاى نفك احنا الكارتيرة ونغير الزيت بنفسنا ولو حابب تعمل كدا ادخل على اهم مواضيع صيانة اللانوس وهتلاقيه ...معلش طولت عليك نرجع للسبب اللى بيخلينا نغير الزيت ومانزودش ان التروس بتاع الجيربوكس مع العمل لمدة بيتم تآكلها وبينزل منها رايش طبعا مع الوقت الرايش دا بيبوظ التروس اكتر لو ما نزلش والزيت بيلم كل دا وكمان الزيت بيبتدى يتحرق ولزوجته بتروح يبقى عشان كدا لازم تغيره
وربنا يكرمك ......آسف على الاطالة ويارب اكون قدرت افيدك وبالمناسبة ياريت بلاش موضوع سلك السرعة دا الله يخليك عشان خاطر مصلحتك
ودا لينك الموضوع بتاع استاذ عصام عشان تعرف اكتر وتقرا وتستفيد وربنا يخليهولنا
http://www.masrmotors.com/vb/showthread.php?t=61667