رد: اى سؤال بخصوص الرخام و الجرانيت انا تحت امركم
لو سمحت انا محتاج اشطب سلم بيت 3 ادوار ومش عارف اختار ايه هل الرخام الجلاله هيكون كويس ولا الاحسن جرانيت مصري .. الصنايعي بيشكرلي في الجرانيت وجابلي عينات كلها تقريبا اما ابيض في اسود او احمر في اسود مع اختلاف نسبة الأسود بينهم والسعر من 140الى 180 للمتر الدرج وبيقولي انه احسن من الرخام عشان بيستحمل وقالى الجلاله ضعيف وبينقر وووو .. بس هي الفكرة ان شكل الجرانيت ده بيفكرني بالمصالح الحكومية والمستشفيات وكده يعني ألاماكن إلى فيها حركة كتير فمش عارف هيبقي حلو في عمارة سكنية.. وبعدين انا ميال للفواتح في الارضيات وحاسس الجرانيت هيبقي غامق فهل في جرانيت فاتح او رخام فاتح غير الجلاله يستحمل ويكون في نفس رنج السعر ده
يعنى من وجهة نظرك رايك ايه الأفضل في حالتي بالأسعار دي والحوائط بتاعة المدخل اعملها نفس النوع لا ايه وياريت لو في صور وشكرا جزيلا واسف علي الاطالة
|