المشاركة الأصلية كتبت بواسطة AnEngineer
أشكرك يا أ.فادى على الرد
بالنسبة للفيرنا ، هل هى فعلا قريبة من الأرض بحيث انها تعانى مع المطبات المصرية؟ و هل بالفعل توجد بها عيوب نتيجة التقفيل المصرى؟
و جزاك الله خيرا
|
ف البدايه انا افضل لك الفيرنا وده عشان هي عربيه عمرها ما هتكون عبأ مادي عليكي خااالص بالعكس العربيه هتكون زيرو ولو فيه اي مشكله ولا حاجه قطع غيارها اكنك شربتي بيهم سجاير مش هتعور وكفايه انها عربيه لو عطلت بيكي ف اي مكان اي عيل صغير هيفهم فيها
بالنسبه لعيوب التقفيل انا مش هانكر خااالص ان فيه عيوب تقفيل بس هبله قوووي يعني انا استلمت مع واحد صاحبي الفيرنا عربيتين انا طلع عندي الفانوس اليمين قدام مفارق عن الاكصدام شويه صغيرين عاوزين واحد دقيق قوووي يشوفهم وصاحبي كان بيقول معندهوش الكلام ده بس لما رحت واتاملت ف عربيته لقيت الفانوس الخلفي مفارق سنه عنده برده وهو مش ملاحظه دي عاوزه دقه جامده وعملناهم ف التوكيل ومدفعناش جنيه واحد
اما الثبات العربيه لحد 110 ثباتها يساوي ثبات عربيتي القديمه تويوتا 1993 وخدي بالك من كلمه تويوتا دي وبتبدأ تعوم يعد 150 اظن محدش بيمشي ع السرعه دي الا ازا كان عاوز ينتحر بقي
وبالنسبه للمطبات مين قال انها بتحك ف المطبات ؟؟ اللي بتحك ف المطبات دي بتبقي عربيه عاوزه جوز مساعدين ورا مثلااا انا عربيتي ركبت فيها 4 ووكلنا اوزان يعني اقل واحد فيهم 100 كيلو ورحنا كفووور وارياف ف الشرقيه ومفيش حكه واحده فاي مطب عشان العفشه مظبوطه والمساعدين تمام ومخبيش عليكي انا نفسي مصدقتش انها محكتش والمطب التخين قوووي انتي معاكي دركسيون بووور اطلعي ع المطب بالجنب واتخن مطب مش هيحك فيكي