رد: اوبترا 2014 "اكبر نصباية في تاريخ منصور"
على حسب معلوماتى اقدر اقول
gm جنرال موتورز الأمريكية تمتلك الشيفرولية الأمريكية و الدايو الكورية الجنوبية
شركة جنرال بتنزل سياراتها للشرق الأوسط صناعة كورية جنوبية فى مصانع دايو الكورية , يعنى الشيفرولية و الدايو كلاهما صناعة مصانع دايو موتورز فى كوريا الجنوبية
جنرال موتورز هى المسؤولة عن تغيير العلامات التجارية على السيارات يعنى جنرال هى اللى حذفت علامة دايو من على اوبترا و لانوس و وضعت علامة شيفرولية و مفيش دخل للوكيل المصرى بالحكاية دى
كل الحكاية ان جنرال موتورز بتشوف العلامة اللى تناسب السوق يعنى شافت الشيفرولية علامة اقوى من الدايو فى الشرق الأوسط و خصوصا الخليج اللى مفيش دايو هناك تقريبا و بالتالى حذفت علامة دايو و وضعت شيفرولية
كل الشيفرولية فى الشرق الأوسط كورى جنوبى ماعدا شوية موديلات صناعة امريكية زى شيفرولية تاهو تقريبا على حد علمى
بالنسبة للسيارة اوبترا اللى عليها علامة شركة صينية فاعتقد-ومش متأكد- انها صناعة كورية جنوبية فى مصانع دايو لكن الشركة جنرال موتورز وضعت شعار الشركة الصينية لتناسب المستهلك الصينى اللى بيثق فى العلامة دى اكتر
الوكيل المصرى ملهوش دخل بالحكاية دى خااااالص
دا مش بيأثر على جودة السيارة او الثقة فيها المهم انها من صناعة العملاق الأمريكي جنرال موتورز سواء بقى صنعها فى كوريا او الصين او الصومال المهم انها بمواصفات جودة جنرال موتورز , يعنى لو جنرال تمتلك مصنع فى الصين فأكيد هتحرص انه يكون مصنع على مستوى عالى من الجودة مش زى مصانع اسبرانزا او امجراند مثلا
|