[AbOnOrA]

ظهور عضو جديد باسم (Payoo)
وبداية تكوين اول مؤسسين وداعمين للفكرة

(PAYOO) كان اسم مميز فى حد ذاتة ومش مفهوم طبعاً فكان طبيعى فى البداية يلفت انتباه الكل فى وقت قليل وفى الوقت ده كان كل واحد فينا بيميز موضوعاتة باسم او شكل معين لكن بايو مكانتش محتاج
انما الاهم فى بايو انه كان نموذج (قياسى) للعضو الفعال (اون لين)
يعنى راجل بيكتب كويس بتحاور كويس اسلوبة مميز ذهنه حاضر وتجاربه كبيرة
وقبل اول مقابلة حقيقية مع بايو فى كونتكت كان اغلب الناس عندها شوق للتعرف على شخصيتة الحقيقية ولما عرفناه حبيناه اكتر وصاحب الكل فى وقت اقصر منى ومن اى حد ساعتها ولما اتكلمنا فى الكمبيوتر عامة وتصميم المواقع كان متحمس جداً بحكم عملة فى مجال قريب وفى الحقيقه بايو كان معروف بالحماس لدرجة اننا سميناه بعد كده دينامو المنتدى
وبعد ايام من اول مقابلة انضم للمقتنعين بالفكرة الاستاذ سعيد الفار
وده كان مدير فى احد كبريات الشركات المتخصصة فى الكمبيوتر بدون ذكر اسماء وكان اكبرنا سنا واكثرنا خبرة وكان صاحب رؤية لامكانية تحويل الموقع لكيان تجارى كبير


وكانت النتيجة من الاتفاق والتفاهم والمقابلات البوست اللى عملته ده فى 7 ابريل 2007

07/04/2007 الساعة 05:22:19 م

واللى مقرهوش لحد دلوقتى غير عدد القراء : 1191

وكان فيه

----- خطة العمل ---- ( وائل مجدي ) waelmagdy 07/04/2007 05:22:19 م عدد القراء : 1191

خطة العمل

[SIZE=3pt]بناء علي ما اتفقنا عليه جميعا امس وعلي ما توصلنا اليه من اتفاق في ووجهات النظر بين السادة الافاضل ا/ سعيد الفار / هاني بايو 1- تحديد مصادر التمويل واتفقنا علي ان التمويل هيكون جماعي من اعضاء المنتدي وبشكل نقدي هيتم ان شاء الله في المقابلة الجاية 4/5 2- اسم الموقع لازم يجمع بين 1-مصرية الموقع - تخصصة في السيارات - كونة نادي خاص له سمة - اسم سهل واليكم بعض المقترحات بناء علي توفر امكانية حجز الدومين: Short Name: EAC Full Name: Egyptian Auto Club URL: http://www.Autoclub-eg.com Short Name: ECC /CCE Full Name: Egyption Car Club (Or) Car Club of Egypt URL: http://www.CarClub-eg.com انا استبعدت زكر كلمة ايجبت في الدومين واستبدلتها ب اي جي للاختصار وسهولة الحفظ 3- ادارة الموقع الادارة الفنية هتشرف بيها ( محمود الحفناوي كذلك اخونا جنيدي و م/حازم حزة ك مصممين مواقع محترفين web dev بالضافة ل كريم منير / والعبد لله ( ابو نورا) كميري نظم web admins 4- التحكم والتشغيل ومديري ومشرفي الغرف والساحات هيكونو من كل اعضاء المنتدي اللي حضروا المقابلة امس وكل عضو يتقدم ويثبت كفائة 5-اضافات وتحسينات تقرر اضافة تحسينات علي شكل المنتدي بالشكل اللي يخافظ علي البساطة وجمال الشكل كمان اضافة وظائف اخري مثل البحث بانواعة تثبيت المشاركات والغائها اضهار المداخلات بتوقيع امكانية اضافة صور او ملفات كلمحقات للمداخلة امكانية اظهار المشاركات الجديدة بالنسبة لكل شخص New Thread امكانية اظهار الموجودين علي الموقع online users غرفة شات اماكن مخصصة للبيع والشراء بنظام (for sale / looking for) (للبيع / مطلوب ) اماكن مخصصة للملفات المهمة مثل كاتلاوجات الصيانة والصور والبرامج المتخصصة ساحات مخصصة للصيانة ومعلومات الميكانيكا ساحات مخصصة لرفيروهات السيارات ساحات مخصصة لاحداث المنتدي والقائات وما يستجد 6- الاعلان والترويج عن طريق تسجيل الموقع في محركات البحث ياهو جوجل الخ وعن طريق لينكات في المواقع المشابهة 7- التعامل مع كونتكت سيتم التعامل مع المنتدي الحالي كما هو ودون اضاعة وقت في الاتصال بالمسؤلين عنة ( لاننا حاولنا كتير ) كمان احنا هنعتبر ان المنتدي ريفرنس لينا في تطوير المنتدي الجديد وكا حاوية مؤقتة لمجهود كبير بذلناة هنا قبل نقل المشاركات المنتقاه للموقع الجديد 8- اخير وجب التنوية ان تطوير الموقع الجديد عمل جماعي مائة في المائة وليس حكرا علي احد وللجميع الحق في المساهمة والمشاركة والتعديل اخوكم وائل مجدي ( ابو نورا )[/SIZE]

--------------------

لمشاهدة النسخة الاصلية على الرابط التالى

اول خطة عمل لانشاء موقع سيارات مصرى متخصص
http://www.contactcars.com/Discussio...ID=6&tid=23314



....... يتبع