[محمود سامى محمود]

المشاركة الأصلية كتبت بواسطة johnblaze انا ان شاء الله ناوي اشتري السول و هي مع ناس كتير اعرفهم بس شوية منهم يقولولي احسن عربية اشتريناها و شوية يقولوا انها زي السيراتو عفشتها نشفة اوي و تحس بيها في المطبات بشكل كبير جدا و كمان التكييف بتاعها مش حلو اوي!!!! و عايز اعرف كمان ايه الفرق بين 2011 و 2012 لو حد يعرف!!! معلش هتعبكم معايا

السلام عليكم .. السيارة مش ناشفة خالص بالعكس .. مريحة جدا ً على الطريق و المطبات . يمكن لو ناشفة هاتكون اللى جنوطها 18 وهتلاقيه ضغطه عالى .. اللى بيقولك إن تكيفها مش حلو .. أنا أسف يبقى ماركب السيارة من أساسه ولا يعرف عنها حاجة .. لأن تكيفيها مقارنة بلانسر أو كورولا أحسن منهم بمراحل .. و أنا بقارن بين دول لأن ركبتهم ..
أتوكل على الله مش هاتندم خالص .. السيارة فعلا هتكون أحسن سيارة اقتنتها
ودى عن تجربة شخصية .. السيارة معايا عاملة 16000 ك و الحمد لله مافيش مشاكل خالص ..
بالنسبة للفرق بين 2011 و 2012 .. فقط فى شكل الفوانيس الخلفية .. و أعتقد إن 2012 نازله ب 6 سرعات .. أنا بصراحة مش متأكد من موضوع 6 سرعات دى .. 2011 موجوده 4 سرعات . و على فكرة مش هاتفرق خالص ..
و ربنا يوفقك