رد: الى الاخ بوب الجامد اسباب تفضيل رينو سيمبول
يا ريس الموضوع مش كده .. الفكره اشتريت العربيه امتى وبعتها امتى
فيلشيا 97 زيرو ب 44الف .. اتباعت 2001 ب 28 الف ( بعد ما ركبت تكييف من ديافيا ب 3300 جنيه و الفرش و كاسيت رودستار بورتابل ) وكنت بعمل الصيانه في الوكيل وبايعها فابريكه عداد 44 الف ( تشيكي فولكس جروب )
سيينا 2000 زيرو ب 40100 .. اتباعت 2007 ب 40500 .. راشه رفرف و باب و فيها لحام في الاكصدام الخلفي !! وعداد 115 الف ( فيات - تجميع محلي )
والاتنين اوروبي وفرق الموديل 3 سنين .. لكن اللي بعتها بعد 4 سنين خسرت فيها .. و اللي بعتها بعد 7 سنين كسبت فيها 400 جنيه !!!! ptmnlo123per1127
دول عربيتين كانو معايا انا شخصيا .. اللي فرق في السعر سنه الشرا و سنه البيع
97 كانت العربيات غاليه نسبيا ... سنه 2000 العربيات كان سعرها نزل شويه بعد خفض الجمارك على ال 1600
وبالتالي سعر اعاده البيع من 2000 كان قليل
ولما سعر الزيرو شد تاني .. سعر المستعمل زاد
وعلى فكره سعر اعاده البيع للاكسنت و الانوس نفس موديل السيينا (موديل 2000 ) احسن منها حاليا لأنهم مطلوبين عنها و السيينا تقيله في بيعها .. بالرغم اني كعربيه شايفها احسن منهم هما الاتنين ...
لكن الموضوع عرض و طلب
انا كل قصدي انك متعتبرش اللي حضرتك تابعته او حتى اللي انا قلته مقياس .. لأنه فعلا في علم الغيب ...
فمتخليوهش عنصر حاكم في قرار الشراء ...
طالما مقتنع بالعربيه ونويت عليها متفكرش اوي في سعر البيع .. يعني 4 الاف او 5 الاف جنيه فوق او تحت في وقتها مش خساره قصاد انك تستمتع بالعربيه اللي نفسك فيها
وبرضو مبروك مقدما
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 05-09-2009 الساعة 07:06 PM
|