رد: تغيير انوار العدادات و نور التابلوه فى كورسا مو 95 1200 سى سى
طبعا موضوع اكتر من رائع يا روميو
بس احب اقولك تجربتى على دايو لانوس
اولا اللمض فى الدايو نوعين :-
1:- لمض ليدات فى عدادات التابلوة ((( دى يا جماعه نفس حجم الليدات اللى بنركبها فى الفوانيس اللى هى مبططة دى)))
2:- لمض سافايا صغيرة اوى دى بتاعت التكيف وباقى التابلوة ودى بئه كانت مشكلتى الوحيدة
افسرلكم اكتر:- اولا فكيت التابلوة عشان اغير نو العدادات بس طبعا لونت اللمض احمر بس طبعا ماقعدتش يومين واللون ابتدى يفتح قولت ماشى نزلت الضاهر لقيت نفس اللمض دى بس المفاجأة انها احمر قولت حلو طيب كدة احنا خلصنا من العدادات يعنى يا جماعه اللمض دى موجودة بتاعت العدادات اسمها ليدات احمر هتلاقوها بسرعه او اي لون طبعا انتوا عاوزينة
بس المشكلة عندى فى لمض السافايا دى منعدمة الالوان طبعا انا شايف فى الموضوع دة الراجل جايبها ازرق بس دة مستحيل فى مصر
طيب هنعمل ايه نسكت يعنى؟؟؟!!!!
فى كذا حل انا توصلتلة بس لسه تحت التجربة بس يمكن نستفيد وهكلمكوا عن فك التابلوة وانا مش بلوم روميو لان الكورسا مش مكيفه فا مش هيلاقى غير واير واحد طبعا لو العربية مكيفة هتحتاج كهربائى نص لبه يفكها لانها سهلة جدا بتكلم عن الوايرات
المهم نرجع لموضوع اللمض
الحل الاول اننا نلونها زي ما روميو قال ودى مجربها فى عربية واحد صاحبى لانوس بردة بس قولتلة نتكلم بعد اسبوع عشان نشوف لونهم هيفتح لا لآ
تانى حاجه نشوف لها تلبيسة احمر زى اللى جاية مع الاوريجنال وهنا كانت المفاجأة
انها موجودة يا جماعه كلنا نعرف الفلاش زينون بيجي معاه كيس كدة فى كام تلبيسة للمبة الفلاش فى منها ابيض وازرق واحمر التلبيسة دى طويلة ورفيعه وسبحان الله على حجم لمض السافايا بالظبط بس هى طبعا طويلة طبعا سهلة نقصها
ويارب اكون قدرت افيدك شوية وان شاء الله هنزلكم الصور بعد ما اخلص من العربيةptmnlo123per122
التعديل الأخير تم بواسطة adidas_vip2 ; 10-04-2010 الساعة 03:48 PM
|