[حبيب الناس]

الف الف مبروك
وربنا يديك خيرها ويكفيك شرها
فيه مواضيع تحت اسم كيفيه استلام السيارة
وعلي العموم
اهم حاجه لازم يكون المعرض ثقه
الاوراق
المعرض بيكتبلك عقد بيع بلعربيه
بتاخد جواب موجه للمرور اللي انت تابع ليه مثبت فيه رقم الشاسيه والماتور ولون العربيه
بتاخد صورة من الافراج الجمركي بتاع العربيه
العربيه
تبص علي العربيه كلها كويس من بره علشان ممكن تكون مخبوطه ورشينها او يكون فيها خرابيش ولو عليها لزق ابيض شيله كله ليكونو مداريين بيه خباطات او خرابيش ولو العربيه فيها خرابيش متستلمهاش
اركب العربيه ودورها مرتين ثلاثها دور وثواني وبطلها ودورها تاني
شغل كل حاجه فيها اشارت يمين وشمال وانتظار النور العالي واواطي نور الصالون جرب المساحت والميه بتاعة الازاز وجرب المساحه الخلفيه والميه بتاعة الازاز
جرب الابواب في الفتح والقفل اكتر من مره
العربيه بيجي معاها جنط استبن في الشنطه وكوريك عصي كورك وكيس طويل فيه عده (مفك بيتقلب عاده وصليبه - مفتاح 10-11 ومفتاع 12-13 مفتاح 17 لفك صواميل الجل كماشه مفتاح خماسي الاضلاع للبوجيهات ) وبعد كده جرب تطلع بالعربيه ممكن تختبر الدبريج بانك تدي العربيه الثالث وتشد فرامل اليد علي الاخر وتمشي بالعربيه وانت شداد فرامل اليد لو العربيه بطلت يبقي الدبرياج سليم
وربنا يوفققك في الاستم ويا ريت يكون حد معك وخلي الراجل صاحب المعرض يسبك براحتك لان العربيه لو استلمتها ومشيت لو العربيه خربانه بعد كده ملهوش دعوه هيقولك روح التوكيل
فلازم تقلب في العربيه كويس قبل الاستلام والف مبروك وعاوزين نشوف صورتها علي الموقع