مودرن موتورز اشترى مركز صيانة المحمل والخصومات هايلة
مودرن موتورز اشترى مركز صيانة المحمل في اول طريق مصراسكندرية الزراعي الكيلو عشرة بعد نزلة الدائرى لشبرا الخيمة في اتجاة المظلات وعامل خصم هايل 20% لقطع الغيار و20% للمصنعية.
انا رحتلوا النهاردة وغيرت مساعدين امامي والبطحات بتاعتهم وكاوتش التراب ومقصين سوبر صالون
و4 كاوتش بارات الدركسيون والاسعار بقت نار وهي كالاتي:
عدد 2 كاوتش تراب للمساعدين: جنية200
عدد 2 مساعدين امامي: . 950ْx2= 1900
عدد 2 بطاحة اللي بيركب فيها المساعد= 230x2=460
مقصين سوبر صالون موديل 2010= 1400 الواحد جنية 700
4 كاوتشات بارات الدريكسيون:120 جنية.
مصنعية 350 جنية.
وعملوا شغل ببلاش رجلاش علبة الدركسيون وفرامل اليد وشدوامجموعة السيور وكشفوا على التيل وصنفروة والطنابير وقاللولي انهم مش محتاجين تغيير لان انا جيت اغيرهم بنائا علي الله يسامحهم اوتو ايجبت وطلعوا حرامية لانهم من صيانة 95 الف بيقلولي ان الطنابير وحشة وعايزة تتغيرانا عامل دلوقتي 132000 الف والطنابير سليمة وزى الفل.
المهم عملوا خصم جنية900 ودفعت 3800 جنية وسلمت العربية نيسان سوبر صالون 2010
الساعة 9 صباحا استلمتها الساعة واحدة ونصف والمهندس جربها مرتين ومرة معايا بصراحة العربية رجعت زيروا والخبط والترزيع ورجرجة الدريكسون راحت تماما.
بالمرة نسيت اقولكوا انا اوتو ايجبت قالي ان علبة الدركسون عاوزة تتغير وتمنها بالمصنعية 5500 جنية.
مودرن موتورز المحمل سابقا رجلش علبة الدركسون مع تغيير كاوتشات البارات 120جنية ورجعت لاصلها.
بصراحة انا مبسوط جدا من العربية وهي تستاهل كل جنية اتدفع فيها ودي اول تغييلر للعفشة بعد132000الف كيلو و مشاوير شاقة جدا فى شوارع مصر المحروسة ومشروع ابني بيتك.
انا عارف ان المبلغ كبير بس العربية رجعت زيرو.
ودة تقرير سريع وانتظروا التقرير الكامل عن العربية وجميع مراكز صيانة نيسان وتجربتي الشخصية عنهم خلال خمس سنين . واس استفسار انا في الخدمة. وتحياتي لكل اعضاء المنتدي.
|