رد: ايه رأيكو يا جماعة فى الدايو ليجانزا ؟؟؟؟
مع احترامي كل اللي اتكلم عن العربية دي وحش اعتقد انة ما ركبهاش
العربية دي معايا من 6 شهور وركبت قبلها لانوس ونوبيرا واكسيل واكسنت وبراحة لا وجة للمقارنة بين العربيات دي والليجانزا .
الليجانزا عربية محترمة وما تعرفش طريق الميكانيكي الا نادرا وقطع غيارها موجودة وسهلة والميزة الاكبر ان مفيش في قطع غيارها حاجة صيني وسهر قطعة الغيار الاصلي معقول جدا جدا ولما بتاخد على العربية اكتير هتعرف اماكن بتبيع قطع الغيار باسعار ممتازة
يا جماعة عيبنا اننا في مصر هنا بنحب نفتي في اللي ما نعرفش فية يعني سمعت ان استهلاكها في النزين عالي اوي علشان 2000 سي سي ودا كلام فارغ العربية دي في السفر بتعمل 240 كيلو في ال 20 لتر واعتقد ان دا رقم تحفة مشكلتنا بس ان الطرق هنا في مصر علة طول واقفة ولو فية حركة العربية دي مش هتستهلك بنزين خالص
معلش طولت عليكم بس الموضوع استفزني اوي
__________________
Ahmed Hanafy
|