رد: هام جدا جدا اقراء هذا قبل التعاقد مع مودرن كار بمدينة نصر
تكملة لما نشرت سابقا
بتاريخ 12/6/ 2013 تقدمت لشركة مودرن كار النصابين وكان الكلام مع احمد ابراهيم
العنوان / 26 شارع نور الدين بهجت امتداد مكرم عبيد مدينة نصر
فى الاول عملى البحر طحينة وقال لى انى هستلام فى اول ما يتم الموافقة على الورق المقدم لة و سيقوم احد موظفى الشركة بالاتصال بك ...
و بعد اسبوع من التاريخ المذكور اممكم لم يتصل بى احد قمت انا بالاتصال بااحمد ابراهيم و قال لى لسة كمان اسبوع
وبعد الاسبوع التانى اتصلات انا و رد علية المحترم احمد ابراهيم بعد عزاب يعنى لو عايز تكلام سعدتة تعمل حسابك انك اول ما تصحى من النوم تبدا بالاتصال بة و على المغرب كدة يعنى يقوم المحترم بالرد عليك و بكل برود يقولك لسة شوية هنتصل بيك موت يا حمار على رئى المثل
عموما فى هذة المرة الراجل قال لى افرح يا عم الورق اخد موفقة تمام طب هستلام امتى قال لى احنا بنسلام اهو يعنى كمان اسبوع على ما يجى عليك الدور اصل احنا بنسلام اللى دافع 30 الف و بعد كدة 20 الف و انت يا غلبان يا ابو 10 الاف فى اخر الدور لاء و كمان دة فى ناس دفعة اقل من كدة 6 الف جنية انا قولت والله الناس دى محترمة فعلان و بتراعى ظروف الشباب العاطل
المهم بعد 10 ايام من اخر مكلامة قال لى معلاش اصل الدفعة دى خلاصت اصبر للدفعة القادمة طب و امتى الدفعة القادمة قال لى بعد اسبوع او 10 ايام ماشى هصبر وبعد ما صبرى نفذ قولت اة انا عايز الفلوس قالى تمام خد الرقم دة هو المسؤول عن الموضوع دة و سلمنى لواحد اسمة عيد …
عيد ثبتنى بكلمتين قالى والله انت ورققك معاية اهو و هتستلام قريب ان شاء الله طب يا عم عيد امتى هستلام قالى فى خلال اسبوع و فى واحد هيكللامك يقولك الميعاد وفعلان بعد اسبوع من العزاب اتصل بى شخص اسمة احمد شحاتة و فضلت انا حاير بين احمد ابراهيم و عيد و احمد شحاتة لاما الواحد شحت و قرف من نفسة و كرة العربيات كلها و فى الاخر هتاخد صابونة يعنى مافى عربية ولا غيرة على فكرة انا كنت مقدم على عربية سزوكى فان
وانا هعرض صورة من ايصال المبلغ و الكرت بتاع الشركة النصابة حسبنا الله و نعم الوكيل
وبعد العزاب دة كلة لاما طلبت الفلوس بكل برود حاضر تعالى اليوم الثلاثاء خد الفلوس و النهاردة الاحد يعنى لسة والله ما اعرف اذا كنت هاخد فلوسى ولا اية .....
عموما معلاش انا طولت عليكم بس قولت احكى قصتى مع الناس المحترمة دى عشان اللى مش عارف الناس دى كويس يعرف
و من الاخر الناس النصابة دى بتاخد الفلوس من الناس و بتشغلها يعنى كل مدة الفلوس ما تذيد عندهم هما المستفدين و تولع انت بجاز ربنا يوقعهم مع ناس مبترحمش عشان يبطلو شغل… النصب المتاح …دة عادى يعنى انت اللى بترحلوهم لحد عندهم يعنى هو يرمى الطعم وانت السمكة
عموما انا كدة خلاصت الحكاية و اخدت قرار انى هعرف الناس كله عن طريق النت و عن طريق المواقع اللى بتتكلام عن تقسيط
العربيات او اى حاجة بخصوص العربيات عشان تبقى عبرة لمن يعتبر ويعنى احس انى اخدت حقى منهم و ياريت من الاخوة اللى عارضين مشاكلهم مثلى يحكى بتفصيل ما تم معهم وينشر الموضوع بتاعو على جميع الموقع و ربنا يستر على فلوسى اللى لسة ماخدتهاش و للحديث بقية 
التعديل الأخير تم بواسطة yosaf777 ; 02-09-2013 الساعة 02:49 AM
|