شرح لأنواع الباور والغير باور :
1- ان العربية مفيهش باور طريقة عمله أزاى مع الشرح.
2- ان العربية نصف باور طريقة عمله أزاى مع الشرح.
3- ان العربية باور كهرباء طريقة عمله أزاى مع الشرح.
4- ان العربية باور زيت طريقة عمله أزاى مع الشرح.
اناعارف انى تقلت على حضراتكم بس ده استفسار لكى تعم الفائدة على الجميع على العموم انا هبتدى بللى اعرفه.
- بالنسبة للادا فالكل بيشتكى من تقله ومحتاج واحد بيلعب حديد علشان يستخدمه.
- النص باور وده بيبقى خفيف وحلو.
- الباور الكهرباء اجمل واجمل بس لما تجى تلف الطارة للأخر بيطلع زنه لازم متخليهوش يجى للآخر علشان هو بيتلف حاجة ايه هى الله اعلم انا معرفش يريت لوحد يعرف يشرحلنا بالظبط او حتى ولو معلومة صغيرة هنستفد كلنا.
- الباور الزيت تقيل شوية عن الكهرباء وعلشان تعرف اللى راكب عندك فى العربية كهرباء ولا زيت جرب والعربية وقفة جرب تحرك الطارة بالصباع الصغير لو لف بكل سهولة معاك يبقى كهرباء، لو بيلف بس بطئ اوى او تقيل يبقى زيت، والكهرباء حتى لو زيرو هيطلع الزنة وهتعرف انو كهرباء وده اللى اعرفو فبرجاء من الأعضاء الكرام الشرح لكى تعم الفائدة على الجميع وشكرا لكم ولسعه صدركم لنا ولكل من يتعلم من هذا المنتدى الرائع.