01-01-2011, 04:52 PM
|
|
من انا؟: عاملنى الله بفضله, لكننى بارزته بالمعاصى
التخصص العملى: Vasc-man
هواياتي: المشى
|
|
تاريخ التسجيل: Feb 2010
الموقع: الدقهلية - المنصورة - شارع جيهان
المشاركات: 590
|
|
رد: خنزيرة \ شمامة \ تمساحة
السلام عليكم و رحمة الله و بركاته
طبعا لأن الموضوع أولا و أخيرا , موضوع أذواق, المرسيدس المعدلة اللى الناس بتقول عليها التمساحة رغم أن التمساحة دى اللى هى المرسيدس S280 و S300 موديل من 1980 و حتى أول عام 1990 , الا أنه ماعلينا , اللى أنا أقصده هى المرسيدس الW123 اللى هى المرسيدس ال200 و ال230 اللى الناس كلها عارفاها , أنا عارف أنه نزل منها 280 و 300 كمان, بس الشايع هى ال200 و ال230 هنا فى مصر .
انا من رأيى أن العربية دى لو نظيفة, تبقى خرافة بمعنى الكلمة , يمكن أنا بقول كده لأنى ماركبتش الخنزيرة اللى هى فوانيسها واقفة بالطول دى كتير لأنى كنت بركبها أحيانا مع واحد صاحبى , أبوه كان عنده واحدة مو1976, بس بصراحة أنا عجبتنى المعدلة الW123 أكتر بكتير و أنا فعلا لو كنت فاضى , كنت اشتريت واحدة موديل فوق ال1981 و عملت فيها اللى أنا عاوزه من الموتور و الفتيس و العفشة و الصاج و الكراسى و كل حاجة, لحد ماتطلع بالشكل اللى أنا عايزه .
بس تبقى مصيبة , لو جبت مرسيدس W123 معدلة و عملت فيها كل الكلام ده و فى الآخر يطبقوا احلال الملاكى و يقولولى, هات يا حلو عربيتك ب خمسة الاف جنيه مصرى فقط لا غير .
__________________
MERCEDES E-class
بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|