غيرت المساعدين بمساعدين لانسر يابانى
أحب أولا اشكر الاعضاء المحترمين الى فعلا الواحد بيستفيد منهم كتير
واحب انقل لحضراتكم تجربتى فى تغير مساعدين العربية
انا كنت عرفت انى ال 516 بيركب لها مساعدين اللانسر بس انا كنت مستنى لما المساعدين عندى يقلو باصلهم و مستنتش ورحت نزلت التوفيقية و جبت 2 مساعد لانسر يابانى امامى بسعر 850 بس انا مبعرفش افاصل وملفتش كتير يعنى ممكن اكون مخموم فى 50 جنية مثلا ونوعة kyb made in japan
العربية بعد التغير ارتفعت فعلا عن العجلات ادام بحوالى 1سم بس دة مش ماثر فى حاجة فى العربية بس فى المقابل اداء مختلف تماما للعفشة وكتشفت ان مش المساعدين بس الى بيتغيرو اكتشفت ان العفشة هى كمان بالكامل " مقص مقص و جلبة جلبة و مسمار مسمار" هى لانسر حتى انى غيرت كوتشات الميزان رحت ملقتش للاسبرانزا جبت للانسر وهى هى
وانا انشاء اللة ناوى اكمل رحلة احلال العفشة وان شاء اللة يتم التغلب على نقطة الضعف الوحيدة فى 516
واللة المستعان
|