المشاركة الأصلية كتبت بواسطة kae
طيب سؤال با صديقى العزيز عاوز اركب عربية اتوماتيك زيرو فى حدود ال 75 الف اعتقد الخيارات
فيرنا 1600
ساجا 1300
بيكانتو 1100
سوزوكى سيلاريو 1000
فى حاجة تانية انا مش عارفها غير دول و اييه رأيك
|
شكرا ليك يا kae
أولا لازم نقف عند نقطه و هي انكتنوعت في أختياراتك في أكثر من فئه بمعني ان السيلاريو هي فئه تعتبر قريبه من ال بيكانتو و يمكن أصغر أما الساجا و الفيرنا فهما متقاربتان و لكن فئه المحرك أيضا مختلفه فدعنا نتكلم اولا عن قوه المحرك
طبعا ال فيرنا تتربع على القمه لأن محركها هو نفس المحرك المستخدم في سيارات اكبربكثير مثل الالنترا القديمه و الميتريكس و الهيونداي كوبيه و كلهم مشهود لهم بآداء قوي 106 أحصنه و 145 نيوتن متر عزم تستطيع ان تنطلق من 0-100 في أقل من 10 ثوان في المانيوال اذا في الاتوماتيك حتكون حوالى من 11 ل 12 ثانيه يعني اكنك سايق ما نيوال الساجا المانيوال مش بطاله كاداء محرك حيث يولد 94 حصانا مع عزم أقل بكثير من سابقتها و هو 120 نيوتن متر مع ان الساجا اتقل و من 0-100 مانيوال حوالى 14.5 ثانيه يعني اوتوماتيك حوالى 15.5الى 16 ثانيه و ده نوعا ما مش حيساعدك في المواقف الحرجه اللى بتحتاج تسارع اما الكيا بيكانتو فهي محركقوي بالنسبه لحجمها 1100 سي سي نفس المستخدم في الكيا برايد صاحبه السمعه الطيبه في السوق المصريه هي 65 حصان و عزم 97 نيوتن فقط و لكن عند عدد لفات منخفض 2800 لفه بعكس السيارات الاكبر عند 4000 و 5000 لفه و هذا يفسرتسارعها القوي مقارنه بصغر حجم الموتورو لكن تبقى هي الابطاء 17 ثانيه!!! اما السلاريو وهي النسخه الهنديه من الالتو وهي 1000 سي سي فقط و انا استبعدها بكل المقاييس لصغر حجمها و عدم توفر قطع غيارها
من حيث مساحه التخزين و الجوده
الفيرنا سياره متوسطه فقيره نوعا ما من الداخل واطيه شويه لوده حيفرق معاك و لكن بعكس المشاع فهي سياره خدمه شاقه لأن عفشتها عفشه 1600 سي سي بعكس عفشت الاكسنت التي هي ايضا فيرنا كانت عفشه 1300 سي سي يعني ادوات جر الفيرنا قويه و لكن السياره فقيره اما الساجا فهي اوسع لكن نفس المستوى في المواد المستخدمه من الداخل يعني فرق مساحه مش اكتر السياره ايضا عاليه عن الارض لكن نقطه لازم انبهك منها عزالعرب هو الوكيلاسأل عن قطع غيارها و توفرها الاول اما البيكانتو فهي طبعا أصغرهم و لكن اجودهم من حيث الخامات لنها سياره ناجحه في السوق الاوروبيه بشكل عام و متخفش من المطبات لن المسافي بين قاعدتي العجل مش كبيره معناها انك مش هتحك في المطبات لكن حتتطلعهم زي الكوبري
و جه نظر ي الشخصيه ان لمتكن مصرعلى الاوتوماتيم أركب نيو أكسنت فول اوبشن مانيوال ب 75 الف جنيه أفخم من السارات المذكوره جودتها اعلى و مصاريف صيانتها مش كتير لأن أعطالها شبه منعدمه و في نفس الوقت عائليه و انا بنصح بيها كل من تكلم في هذه الفئه السعريه فهي نزلت من 77 الى 75 ثفقه رابحه 100% و أرجو اني اكون افادتك