رد: اللانسر و حقيقتها
المشاركة الأصلية كتبت بواسطة zoro3027
انا مع الرآى دة علشان كدة اقتبستة وهكمل شوية حاجات عن تجربة
أنا معايا لانسر 2007 1600 سىسى أتوماتيك وهى عربية أكثر من رائعة من ناحية الثبات والهدوء والتسارع والتكيف كمان قوى جدا
بس فى حاجات لازم حضراتكم تعرفوها ودة بخبرتى فى اللانسر 2007
اولا لما أشتريت العربية لقيت فى واحد جة للموزع بتاع الانسر و قال له أن العربية سحبها ضعيف جدا بصراحة أنا كنت خلاص أشتريت و دفعت الفلوس 104000 جنية دة سنة 2007 بس اللى طمنى ان الموزع قال لة لازم حضرتك تجرى بالعربية و تضغط على دواسة البنزين للآخر وتنتظر على العربية شوية لغاية ماتفتح ودة طبعا مش كل مرة دى مرة واحدة بس طب لييييية؟
العربية دى فيها كومبيوتر وبيقرأ طريقة سواقة حضرتك ولازم تعمل القصة دى علشان يفتح الموتور على فكرة أنا جربت الطريقة دى على طريق العين السخنة القطامية وكنت ماشى على 170 وبعد كدة العربية مش بتاخد اى وقت فى التسارع وبتفتح علطول الكلام اللى بقولة لحضارتكم دة والله العظيم بجد و أنا جربتة بنفسى
ثانيا العربية فيها ABS ودة بييها ثبات عند المناورات و الغرز و الفرملة حاجة روعة عن تجربة
ثالثا التكيف كان مضايقنى جدا وكان لازم أشغلة على 4 فى الصيف حاجة تخنق لغاية مارحت محطة موبل اللى فى آخر شارع فيصل وكنت بغسل العربية الراجل قالى أنضفلك فلتر التكيف قلتلة أنا لسة منضفة وأنا بنضف موتور العربية قالى فين يابية الفلتر دة شاورت لة على الفلتر قعد يضحك عليا وقالى يابية دة فلتر الهوا بتاع الموتور قلتلة أمال فين فلتر التكيف قام فتح الدرج بتاع الجاونتيات ( هما بيسموه كده) اللى فى التابلوه اللى أمام الكرسى اللى جنب حضرتك وضغط على ذر ونزل الدرج لتحت وجاب مفك صليبة وفك الفلتر لونة ابيض قصدى أسود هو بقى أبيض بعد مانضفة بالكومبيرسور وركبت العربية بعد التنضيف دة يابشوات حاجة تجنن التكيف على 2 وكأن حضرتك حاطط مروحة على سرعة 5 فى وجة سعادتك تلاجة تلاجة
|
احب اضيف حاجه لموضوع فتح الموتور
هضرتك بدوس الكيد دون الي هو اخر الدواسه دا عشان تجيب اقصي قدره للمحرك و بتريح اجزائه بعيد عن بعضها عشان توصل لاقصي قوه للموتور و ده فعلا شئ مهم لانك لو معملتهوش الموتور هيفضل مخنوق و العربيه مش هتجري
انا عن نفسي اول ما كسرت ال10 الاف كيلو مرحمتش العربيه و كل اليوم كيك دونات و سرعات عاليه
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|