المشاركة الأصلية كتبت بواسطة alexawy
اظن ان المشكلة اصلا في ثقافتنا عموما
احنا مش بنهتم بسلامتنا او بأشياء كتير بنشوفها ثانوية و مش مهمة "زي تلوث البيئة مثلا" مش في عربياتنا بس، لأ في مكان شغلنا و في بيوتنا برضه
عشان كده ناس كتير بتعتبر ان وجود وسادات هوائية في موديلات عربيات معينة شيئ سيئ!!!!! عشان لو "لا قدر الله" خبطت العربية الوسادات حتفتح!!!!!!! و حتتكلف مبلغ و قدره عشان تغير التابلوه مثلا
انما الكوري الله عليه، خبط و رزع في العربية و بملاليم ترجع شبه الفابريكة!!!!!! و يوم ما تيجي تبيعها حتلاقي كتير بيفكروا شبهك و حيخطفوها منك بسعر اكتر بكتير من التمن الطبيعي للعربية
انا شايف برضه ان القوانين و التشريعات و جمعيات حماية المستهلك ليها دور برضه، ليه من الاصل نسمح ببيع عربيات مافيهاش اي حاجة تأمن اللي راكبها غير يادوبك حزام؟؟؟؟؟ الكلام ده خلص في الدول المحترمة من فترة
|
فعلا عربية زى الهيندواى النترا 2006 مفيهاش اى نوع من الامان و ب 80,000 طب دة سعر اية دى عربية مافيهاش غير موتور و فرامل و شوية صاج من برة و كراسى مافيهاش اى حاجة تديها التمن دة لكن شوف الميجان بتنزل ABS,EBD ,BAS و 6 ايرباج و فى طراز كان بينزل ب 8 ايرباج كمان بتتباع بنص تمنها كل دة بسبب ثقافتنا للأسف الناس فاكرة ان الكورى هى الافضل عشان قطع غيارة الى ممكن تلاقيها تحت بير السلم