المشاركة الأصلية كتبت بواسطة Tota El Masry
تمام مغربي وبس
قديش يشرفني ها الوحدة العربية
مشاكل الفيوزات كل يومين أروح التوكيل يغيرلي فيوز
مرة الزجاج و مرة الولاعة مع إني مش بولع في حد أنا بولع في نفسي بس من كثر الغيظ
و سالت واحد بتاع كهربا قالي فيوزات لوجي 10أمبير محتاجة فيوزات أقوى 40 أمبير حروح التوكيل أشوف القصة ده
|
السلام عليكم ورحمة الله وبركاته...
حبيت أرد على نقطتين...
أول نقطة عدم وجود الروماني...
الروماني موجودة بامكانيت الاي بي اس والاير باج للراكب الأمامي.. ولكن تعلو في السعر وده كان عندما أردت أن أشتري المغربي البلاك لاين مانيوال خيرني التوكيل و كان الطارق أوتو موتيف مابين ديه وديه.. وأنا احترت المغربي لانتشارها و عشان خفت للتوكيل مايرضاش يشتغل فيها زي ما بيحصل مع الي بيجيب عربية فلونس من الخليج بيقولولوا مالناش فيها خاااالص...
بالنسبة بقى للدوائر الكهربية...
حضرتك أنا عن نفسي معايا لوجان بلاك لاين مانيوال بموتور 8 صباب 90 حصان.. لم أشتكي من أي مشكلة مع الفيوزات وربنا يحفظها طبعاً ربنا يجعل كلامنا خفيف عليهم...
ورأيي الشخصي قبل أن يكون الهندسي أن عندما يفسد الفيوز... يكون هناك عيب في الدائرة الكهربية وسيظل الفيوز يفسد طالما لم نصلح العيب... وللأسف ده عيب توكيل رينو في مصر...
يداوي العرض وليس المرض...
فنصيحتي الشخصية.. كلمي خدمة العملاء و اطلبي تتحدثي مع مدير خدمة العملاء و ان موصلوكيش بيه على التليفون حددي معاد انك تقابليه في مكتبه في فرع المقطم وهتلاقيه انسان خدوم جداً وقوليله انك عاوزه تقطعي الشك باليقين بانهم يعملوا فحص لكامل الدائرة المهربية للسيارة في أوضاع التحميل النختلفة زي مثلاً تكييف مع نور عالي و كلاكس ونور شبورة..
فصل و تشغيل التكييف بشكل متقطع أثناء السلانسيه... الخ.. كل ما يمكن أن يخطر ببالك من ما قد يحدث لك أو ممكن لو ان في موقف متكرر معاكي دايماً بيحصل ان فيوز معين بيفسد عند حدث معين .. ساعتها أطلبي محاكاة الموقف داخل التوكيل عشان يبقى على عينك يا تاجر ان في مشكلة في الحتة ديه...
من الآخر لا تكتفي بتغيير الفيوز ومتسمعيش كلام الكهربائي عشان الكلام ده مش صح.. في أجهزة في السيارة لا تستطيع تحمل أكثر من 10 أمبير فيتم وضع فيوز 10 أمبير لها حتى اذا زادت الكهرباء عن 10 أمبير يحترق الفيوز بدلاً من الجهاز.. يعني يشتري كاسيت مثلاً بحتة فيوز ثمنة أقل من 5 جنيه...
والي بيعمله الكهربائي العادي برة التوكيل أما بيلاقي فيوز بيتحرق انه بيغيره بفيوز أمبير أعلى وهو فاكر انه جاب التايهة مع انه كده مش صح لأن تعريض الجهاز المحتمي خلف الفيوز ده لشحنات أعلى يمكن أن ينتج عنه احتراقه وربنا يحمينا من جهل الكهربائية خارج التوكيل..
=======================