رد: تحذير هام من السيارة هافى لوبو
انا اشتريت العربيه دي من سنه كانت موديل 2006 امبير اقل من 50 الف كيلو! عربيه زباله بكل معنى الكلمه! كل حاجه فيها بتبوظ من غير سبب! التوكيل كان بينزلها بضمان (و دي النكته) 6 شهور أو 10 الاف كيلو!!!!!!!!! مشهوره ان التابلوه بيبوظ كل سنه ولازم يتغير كل سنه! قطع غيارها اغلى من الانسر الياباني البومه و مش موجوده غير في التوكيل و مش موجوده اساسا قطع غيار كتير عنده!!!! اغلب قطع الغيار التوكيل بيبيعها مستعمل على انها جديد و بسعر الياباني و اقرب مثال العربيه احتاجت اسطوانه و ديسك (التوكيل بيملاهم و بيخرط الديسك) و بيبيعهم ب 780 جنيه!!!!! و هما اللي قالولي بنفسهم انهم ملو لأن مفيش جديد!!!و اللي مش مصدق يسأل! مركز الصيانه الوحيد في المركز الدولي في البساتين اخر طريق الخياله عند عزبة خير الله مركز صيانه معفن و ملهوش شارع تدخل ليه ! حاره مدق و مكسره تقضي على البقيه الباقيه في العربيه قبل ما توصل!
|